पूर्वोत्तर सीमावर्ती रेलवेले स्थापित गर्‍यो नयाँ मानक

मालिगाँव: पूर्वोत्तर सीमावर्ती रेलवेले डिसेम्बर २०२५ मा न्यू बोङ्गाईगाँव कार्यशालामा पूर्वाधार तथा सञ्चालन क्षेत्रमा उल्लेखनीय उपलब्धि हासिल गरेको छ। भारतीय रेलको व्यापक सुधार तथा आधुनिकीकरण अभियानसँग सुसम्बद्ध यस उपलब्धिले आधुनिकीकरण, सञ्चालन दक्षता तथा रोलिङ–स्टक मर्मत–सम्भारमा उत्कृष्टताप्रति यसको निरन्तर प्रतिबद्धतालाई पुनः पुष्टि गरेको छ।
यस उपलब्धिलाई अझ समृद्ध बनाउँदै, न्यू बोङ्गाईगाँवस्थित सी एन्ड डब्ल्यू कार्यशालालाई वर्ष २०२४ मा राजभाषाको उत्कृष्ट कार्यान्वयनका लागि रेलवे बोर्डद्वारा रेल मन्त्रालय राजभाषा शिल्ड र १४,००० रुपैयाँ नगद पुरस्कार प्रदान गरिएको छ, जसले पूर्वोत्तर सीमावर्ती रेलवेलाई गौरवान्वित बनायो। सोही महिनामा, न्यू बोङ्गाईगाँव कार्यशालाले असम्बल्ड डेमु डीपीसी बोगीका लागि स्वदेशी टेस्ट बेन्च विकास गर्‍यो, जसबाट ट्र्याक्सन मोटरको प्रि–इन्स्टलेसन परीक्षण र त्रुटिको छिटो पहिचान सम्भव भयो।
यस प्रणालीमा एक घण्टाको अनिवार्य रन–टेस्ट, कम्पन र बेयरिङको तापक्रमको रियल–टाइम निगरानी, तथा उच्च–दक्षता डायल गेजमार्फत शुद्ध ब्याकलैश मापन जस्ता सुविधा समावेश छन्—जसले समय र जनशक्तिको उल्लेखनीय बचत गर्दछ।
२५ वटा कोचका लागि रोलिङ–स्टक कार्यक्रम आवंटन भएपछि, न्यू बोङ्गाईगाँव कार्यशालामा एलएचबी कोचहरूको मिड–लाइफ रिह्याबिलिटेशन (एमएलआर) सफलतापूर्वक सुरु गरिएको छ। प्रभावकारी योजना तथा उपलब्ध स्रोतसाधनको उचित प्रयोगअनुसार, आईसीएफको पिरियोडिक ओभरहोल (पीओएच) काम नयाँ लाइट कोच रिपेयर सप (एलसीआरएस) मा सारिएपछि, पुरानो कोच लिफ्टिङ सप (सीएलएस) लाई अन्तरिम व्यवस्थाका रूपमा प्रयोग गरियो।
यी सक्रिय कदमहरूको परिणामस्वरूप एमएलआर गतिविधि सहज रूपमा सुरु हुन सक्यो, र दीर्घकालीन मर्मत–सम्भार पूर्वाधार सुदृढ गर्न समर्पित एमएलआर सेड निर्माणको प्रस्ताव अगाडि बढाइँदै छ।
पूर्वोत्तर सीमावर्ती रेलवेले पुरानो वैगन पेन्ट–सपबाट डेमु रेकका सबै पीओएच (पिरियोडिक ओभरहोलिङ) कार्य सफलतापूर्वक न्यू बोङ्गाईगाँव कार्यशालामा हालै सञ्चालनमा आएको नयाँ डेमु सेड मा सारिएको छ। २०२१–२२ को पूर्वाधार विकास योजनाअन्तर्गत तयार गरिएको यो आधुनिक, छोपिएको सुविधा सञ्चालन दक्षता बढाउन, कार्य–प्रवाह व्यवस्थित गर्न तथा सुरक्षा र उत्पादकता सुधार गर्न महत्त्वपूर्ण सिद्ध भएको छ जसले रोलिङ–स्टक मर्मत–सम्भार क्षमता अझ सुदृढ बनाएको छ।
समग्रमा, यी उपलब्धिहरूले पूर्वोत्तर सीमावर्ती रेलवेले पूर्वाधार विकास, नवाचार तथा सञ्चालन दक्षतामा निरन्तर जोड दिइरहेको स्पष्ट गर्छन्—जसका कारण सुरक्षित र भरपर्दो रेल सञ्चालन अझ सुदृढ भएको छ।