बक्सा: वर्षमा फेरि एकपटक बक्सा बर्ड फेस्टिभल आगामी ६ जनवरीदेखि ९ जनवरीसम्म बक्सा टाइगर रिजर्भमा वन विभागको तत्परतामा आयोजना हुँदैछ।
यो उत्सव पहिलोपटक वर्ष २०१७ मा शुरू भएको थियो र त्यसपछि लगातार सात वर्षसम्म सफलतापूर्वक आयोजना हुँदै आएको थियो। पछिल्लो वर्ष तयारी भइसकेको भए पनि अन्तिम समयमा कार्यक्रम रद्द गर्नु परेको थियो। यसरी, अब आगामी वर्षको सुरुआतमै उत्सव आठौं संस्करणमा प्रवेश गर्दैछ।
उत्सवको मुख्य आयोजन स्थल बक्सा टाइगर प्रोजेक्टको पूर्वी डिभिजनस्थित जयन्ती रेञ्ज कार्यालय नजिक हुनेछ। प्रतिभागीहरूले यहीँ रात्रि विश्राम गर्नेछन् र यसलाई बेस क्याम्पको रूपमा प्रयोग गरिनेछ। साथै विभिन्न विषयमा शिविर र चर्चा सत्रहरू आयोजना गरिने छन्।
पछिल्लो वर्षसम्म क्याम्पिंग स्थल राजाभातखावामा रहेको थियो, तर वर्ष २०२४ देखि जयन्तीमा क्याम्पिंगको व्यवस्था गरिएको छ। बक्सा टाइगर रिजर्भका डीएफओ (पूर्व) देबाशिष शर्माका अनुसार, चार दिनसम्म चल्ने उत्सवमा बक्सा क्षेत्रका पंक्षीहरूको विविधता उजागर गर्ने र तिनीहरूको अध्ययन गर्ने अवसर प्रदान गरिनेछ। अनुमानअनुसार बक्सा जंगलमा करिब ४ सय प्रजातिका पंक्षी पाइन्छन्।
हिमालयन नेचर एण्ड एडभेन्चर फाउण्डेशनका संयोजक अनिमेष बोसले भने, “बक्सा बर्ड फेस्टिभल देशकै सबैभन्दा लोकप्रिय पंक्षी उत्सवहरूमध्ये एक हो। बक्सा पंक्षीहरूको स्वर्ग हो। हामी चाहन्छौं, यो उत्सव हरेक वर्ष आयोजना होस्।”