दार्जिलिङ: दार्जिलिङ लोकसभा सांसद राजु विष्टले सुसासन दिवस तथा क्रिसमसको पावन अवसरमा दार्जिलिङ, तराई र डुवर्सका जनताप्रति सामाजिक संजाल मार्फत हार्दिक शुभकामना प्रकट गरे।
सामाजिक संजाल मार्फत उनले भने यो क्षेत्र र जनताको लागि भारतीय जनता पार्टी पारदर्शी शासन तथा समावेशी विकासप्रति प्रतिबद्ध छ। यस शुभ अवसरमा दार्जिलिङ, कुर्सियाङ र मिरिक पहाडी क्षेत्रका विभिन्न स्थानबाट ५०० भन्दा बढी व्यक्तिहरूले भारतीय जनता पार्टीमा सहभागी हुँदै आदरणीय प्रधानमन्त्री नरेन्द्र मोदीको नेतृत्वप्रति आफ्नो विश्वास पुनः व्यक्त गरेका छन्।
उनले पार्टीको मूल दर्शन ‘अन्त्योदय’ — समाजका सबैभन्दा पछाडि परेका वर्गको उत्थान तथा अन्तिम व्यक्तिसम्म सेवा पु¥याउने अभियान —लाई पुनः स्पष्ट पारे।
सांसदले भारतीय जनता पार्टी केवल एउटा राजनीतिक दल मात्र होइन, बरु सबल र विकसित भारत निर्माण गर्ने लक्ष्यले एकताबद्ध ठूलो परिवार हो भन्दै प्रधानमन्त्री मोदीद्वारा परिकल्पित “विकसित भारत”को दृष्टिप्रति विश्वास राखेकोमा जनतालाई धन्यवाद ज्ञापन गरे साथै दार्जिलिङ पहाड, तराई तथा डुवर्सका जनताका अधिकार र न्याय प्रधानमन्त्री मोदीजीको नेतृत्वमा अवश्य पूरा गरिनेछ भनी आश्वस्त गराए।
यस कार्यक्रममा भाजपा दार्जिलिङ जिल्ला अध्यक्ष सञ्जीव लामा सहित पार्टीका अन्य वरिष्ठ जिल्ला नेताहरू पनि सहभागी रहेको कुरो सांसदले जनाए।