पूरै संसारमा २५ डिसेम्बरका दिन क्रिसमस पर्व मनाइन्छ र यससँगै नयाँ वर्ष आउने संकेत पनि सुनिन थाल्छ। इतिहासमा यो मिति धेरै महान व्यक्तित्वहरूको जन्मदिनका रूपमा दर्ता छ।
सन् १९२४ मा आजकै दिन भारतका पूर्व प्रधानमन्त्री अटल बिहारी वाजपेयीको जन्म मध्य प्रदेशको ग्वालियरमा भएको थियो। उनी १९९६ र फेरि १९९८ देखि २००४ सम्म भारतका प्रधानमन्त्री रहे।
१९४९ मा आजकै दिन छिमेकी देश पाकिस्तानका पूर्व प्रधानमन्त्री नवाज शरीफको जन्म भएको थियो। उनी १९९०–९३, १९९७–९८ र २०१३–१७ सम्म पाकिस्तानका प्रधानमन्त्री रहे।
यो पनि आफ्नै ढंगले रोचक छ कि दुवै देशका यी नेताहरूले आपसी सम्बन्ध सुधार्न मिलेर प्रयास गरे। यस दिन संसारबाट विदा भएका व्यक्तिहरूको कुरा गर्ने हो भने मूक चलचित्रका महान अभिनेता चार्ली च्याप्लिनको निधन २५ डिसेम्बर १९७७ मा भयो।
१७७१: मुगल शासक शाह आलम द्वितीय मराठाहरूको संरक्षणमा दिल्लीको सिंहासनमा बसे।
१९१८: मिस्रका सैनिक अधिकारी तथा राजनीतिज्ञ अनवर सादातको जन्म। उनी १९७० मा मिस्रका राष्ट्रपति बने र १९८१ मा उनको हत्या हुनेसम्म यस पदमा रहे। उनले इजरायलसँग शान्ति प्रक्रिया सुरू गरे र त्यसका लागि १९७८ मा नोबेल शान्ति पुरस्कार प्राप्त गरे।
१९७७: बेलायतका विश्वप्रसिद्ध कमेडियन तथा फिल्म निर्देशक चार्ली च्याप्लिनको निधन। उनलाई मूक चलचित्रको युगपुरुष मानिन्छ। उनकाे निधन स्विट्जरल्यान्डमा भयो।
१९८९: रोमानियाका अपदस्थ राष्ट्रपति निकोलाए चाउसेस्कु र उनकी पत्नी एलेनालाई राष्ट्रविरुद्ध अपराधको दोषी पाइएपछि गोली हानी हत्या गरियो।
१९९१: मिखाइल गोर्बाचेभले सोभियत संघका राष्ट्रपति पदबाट राजीनामा दिएपछि सोभियत संघको पतन सुरु भयो।
१८७६: काइदे-ए-आज़म भनिने मुहम्मद अली जिन्नाको जन्म।
१९९८: रूस र बेलारुसले संयुक्त संघ बनाउने सम्बन्धी सम्झौतामा हस्ताक्षर गरे।
२००८: भारतले अन्तरिक्षमा पठाएको चन्द्रयान–१ का ११ मध्ये एक पेलोडले चन्द्रमाको नयाँ तस्वीर पठायो।
१८६१: भारतका शिक्षाविद् तथा भारतरत्न सम्मानित मदन मोहन मालवीयको जन्म।