नयाँ दिल्ली: बक्स अफिसमा ‘धुरन्धर’ को गतिलाई रोक्नु निकै गाह्रो देखिन थालेको छ। यही कारण २५ डिसेम्बरमा रिलिज हुने तय गरिएको अगस्त्य नन्दा र धर्मेन्द्र अभिनीत फिल्म ‘इक्कीस’ को प्रदर्शन पनि स्थगित गरिएको छ। अब यी फिल्महरु १ जनवरीमा रिलिज हुनेछ। रणवीर सिंहको ‘धुरन्धर’ ले बक्स अफिसमा दुई हप्ता पूरा गरिसकेको छ र अझै पनि आफ्नो प्रभुत्व कायम राखेको छ।
दोस्रो हप्तामै धुरन्धरको कमाल:
आदित्य धरद्वारा निर्देशित यस फिल्मले बक्स अफिसमा धेरै ठूला फिल्महरूको रेकर्ड तोडिसकेको छ। यसले केवल १५ दिनमै यो उपलब्धि हासिल गरेको हो। २८ करोड रुपैयाँको कलेक्सनसँगै शुरुआत गरेको यो फिल्म अहिले ५०० करोड रुपैयाँको आँकडा पार गरिसकेको छ। ‘धुरन्धर’ ले सबैभन्दा ठूलो कमाल दोस्रो हप्तामा देखाएको छ, जुन अन्य फिल्महरूका लागि निकै कठिन मानिन्छ। अधिकांश फिल्महरू दोस्रो हप्तासम्म आइपुग्दा सुस्तिन्छन्, तर ‘धुरन्धर’ ले १०औँ दिनमा सर्वाधिक ५८ करोड र ९औँ दिनमा ५३ करोड रुपैयाँको कमाइ गरेको थियो। यससँगै फिल्मले पहिलो हप्तामा २०७.२५ करोड र दोस्रो हप्तामा २५३.२५ करोड रुपैयाँको कलेक्सन गरेको छ।
नरोकिने धुरन्धरको सुनामी, १३औँ दिनमा पनि डबल डिजिट कमाइ:
अब १६औँ दिनको आँकडा पनि सार्वजनिक भएको छ। फिल्मले १६औँ दिनमा २९ करोड रुपैयाँ कमाएको छ। यी प्रारम्भिक ट्रेन्डहरू हुन् र अझै बढ्ने सम्भावना रहेको छ। यस आधारमा फिल्मको कुल कलेक्सन ५१२ करोड रुपैयाँ पुगेको छ। फिल्म निर्माता जियो स्टुडियोजले आफ्नो आधिकारिक ‘एक्स’ खातामार्फत ‘धुरन्धर’ को बक्स अफिस कलेक्सनको जानकारी दिएका थिए। शुक्रबार, अर्थात् १५औँ दिनमा फिल्मले २३.७० करोड रुपैयाँ कमाएको थियो, जससँगै भारतमा यसको कुल बक्स अफिस कलेक्सन ५०३.२० करोड रुपैयाँ पुगेको छ। यो भारतमा सबैभन्दा छिटो ५०० करोड रुपैयाँको आँकडा पार गर्ने हिन्दी फिल्म बनेको छ। पोस्टमा लेखिएको थियो, “इतिहास रचियो, सबैभन्दा छिटो ५०० करोड।”
शाहरुख खानको फिल्मको रेकर्ड तोडियो:
यसरी रणवीर सिंहको फिल्मले शाहरुख खानको ‘जवान’ र अल्लु अर्जुनको ‘पुष्पा–२’ लाई पछाडि पारेको छ। गत वर्ष रिलिज भएको ‘पुष्पा–२: द रुल’ ले सबैभन्दा कम समयमा ५०० करोड रुपैयाँको आँकडा पार गर्ने रेकर्ड बनाएको थियो। अल्लु अर्जुन अभिनीत यो तेलुगु फिल्म भारतभर रिलिज भई ११ दिनमै ५५२.१ करोड रुपैयाँ कमाएको थियो। शाक्निल्कका अनुसार, ‘धुरन्धर’ ले शाहरुख खान अभिनीत ‘जवान’ को रेकर्ड तोडेको छ, जसले रिलिजको १८ दिनभित्र ५०५.९५ करोड रुपैयाँ कमाएको थियो। उता, राजकुमार राव र श्रद्धा कपूर अभिनीत कमेडी–होरर फिल्म ‘स्त्री–२’ ले २०२४ मा रिलिजपछि २२ दिनभित्र ५०३.२५ करोड रुपैयाँ कमाएको थियो।