आधुनिक डिजाइन र अत्याधुनिक प्रविधिसहित; मूल्य ११.९९ लाख रुपैयाँदेखि शुरु

नयाँ दिल्ली: जेएसडब्ल्यू एमजी मोटर इन्डियाले भारतीय बजारका लागि अल-न्यु एमजी हेक्टर सार्वजनिक गरेको छ। यो एसयूभी आकर्षक डिजाइन, अत्याधुनिक प्रविधि, प्रिमियम इन्टेरियर र उच्च आरामका लागि चिनिन्छ। यसको प्रारम्भिक मूल्य ११.९९ लाख रुपैयाँ तोकिएको छ, जुन सीमित युनिटका लागि मात्र लागू हुनेछ।
नयाँ हेक्टरमा औऱा हेक्स ग्रिल, बोल्ड औऱा स्कल्प्ट बम्पर र डायनामिक औऱा बोल्ट अलोय ह्विल्स दिइएका छन्, जसले यसको रोड प्रेजेन्सलाई थप सशक्त बनाएको छ। साथै सेलेडोन ब्लु र पर्ल ह्वाइट गरी दुई नयाँ रङ पनि उपलब्ध छन्।
प्रिमियम इन्टेरियर:
५-सिटर भेरियन्टमा ड्युअल-टोन आइस ग्रे र ६ तथा ७-सिटर भेरियन्टमा ड्युअल-टोन अर्बन ट्यान थिम दिइएको छ। हाइड्रा-ग्लस फिनिस, लेदर प्याक, भेन्टिलेटेड सिट, ६-वे पावर एड्जस्टेबल ड्राइभर सिट र टिल्ट-टेलिस्कोपिक स्टेयरिङले आरामको स्तर बढाएको छ।
प्रविधि र सुरक्षा:
१४-इन्च एचडी टचस्क्रिन, आई-स्वाइप टच जेस्चर कन्ट्रोल, ३६०° एचडी क्यामेरा, एबीएस, ईबीडी, ईएसपी, टीसीएस र हिल होल्ड कन्ट्रोलजस्ता सेफ्टी फिचर्स यसमा उपलब्ध छन्।
इन्जिन र सुविधा:
१.५-लिटर टर्बो पेट्रोल इन्जिनले १४३ पीएस पावर र २५० एनएम टर्क उत्पादन गर्छ। साथै १००% अन-रोड प्राइस फन्डिङ र एमजी शिल्ड ३+३+३ प्याकेज अन्तर्गत वारेन्टी तथा रोडसाइड सहायता पनि दिइनेछ।