बार्सिलोना: स्पेनिश ला लीगा फूटबल प्रतियोगितामा बार्सिलोनाले आफ्नो विजयाभियान जारी राख्यो। यसरी एट्लेटिको म्याड्रिड पनि जीतको फर्ममा फर्किन सफल भयो। शनिवार राति खेलिएको म्याचमा बार्सिलोनाले ओसासुनाविरुद्ध २-०-ले जीत हासिल गऱ्यो। आफ्नो होम ग्राउण्ड क्याम्प नोउमा ७० प्रतिशत पोजेशनको साथ खेले पनि बार्सिलोनाले गोलको निम्ति निक्कै समयसम्म प्रतीक्षा गर्नु पऱ्यो। विजेता टीमको निम्ति दुवै गोल राफिन्हाले गरे। उनले म्याचको ७०औं र ८६औं मिनटमा गोल गरे। यस जीतको साथ बार्सिलोना १७ वटा म्याचमा ४३ पोइण्ट्सको साथ ला लीगा पोइण्ट्स टेबलको शीर्ष स्थानमा कायम रह्यो। एट्लेटिको म्याड्रिडले गत २ वटा म्याचको हारलाई भुलेर भेलेन्सियाविरुद्ध २-१-ले जीत हासिल गऱ्यो। आफ्नो होम ग्राउण्ड रियाद एयर मेट्रोपोलिटानो स्टेडियममा खेल्ने एट्लेटिको म्याड्रिडको निम्ति म्याचमा कोकेले १७औं र एण्टोनी ग्रीजम्यानले ७४औं मिनटमा गोल गरे। यसरी भेलेन्सियाको निम्ति लुकास बेलट्रानले ६३औं मिनटमा गोल गरे। यस जीतको साथ एट्लेटिको म्याड्रिड ३४ पोइण्ट्सको साथ चौथो स्थानमा कायम रह्यो। अन्य म्याचहरूमा मालोर्काले एल्चेलाई ३-१-ले अनि जिरोनाले रियल सोसिएदादलाई २-१-ले पराजित गऱ्यो।