सिलगढ़ी: माटीगाड़ा क्षेत्रमा महाकाल मन्दिर निर्माण गरिने भएको छ। मुख्यमन्त्री ममता बनर्जीले उत्तर बंगाल भ्रमणको क्रममा यस परियोजनाको घोषणा गरेकी थिइन्।
बिहीवार मेयर गौतम देवले मन्दिर निर्माणका लागि तय गरिएको जमीनको निरीक्षण गरे। निरीक्षणमा डिप्टी मेयर रञ्जन सरकार, बोरो चेयरम्यान, नगर निगमका कमिश्नर तथा अन्य अधिकारीहरू उपस्थित थिए।
पछिल्लो अक्टोबर महिनामा मुख्यमन्त्री बनर्जीले उत्तरकन्यामा बैठक गरेपछि १४.४१ एकड़ माटीगाड़ा भूमिमा महाकाल मन्दिर निर्माण गर्ने घोषणा गरेकी थिइन्। यो परियोजना वेस्ट बंगाल हाउजिङ इन्फ्रास्ट्रक्चर डेभलपमेन्ट कर्पोरेशन लिमिटेड अन्तर्गत संचालन हुनेछ।
निरीक्षणपछि मेयर देवले पत्रकारहरूसँग कुरा गर्दै भने, “स्थानको सर्वे पूरा भइसकेको छ, जमीन सफा गर्ने कार्य शुरू भइसकेको छ। चाँडै नै मन्दिर निर्माण कार्य शुरु गरिनेछ।”