नाम्ची: महिला, बालबालिका, वरिष्ठ नागरिक एवं दिव्याङ्गजन कल्याण विभाग, नाम्ची जिल्लाले आज मल्ली डॉंड़ा जीपीयूमा अन्तरराष्ट्रिय ज्येष्ठ नागरिक दिवस मनाएको छ।
कार्यक्रममा प्रमुख अतिथि विधायक प्रधानले सम्बोधन गर्दै आमाबाबुले आफ्ना नानी–बाबुमा राम्रो संस्कार बसाल्नुपर्नेमा जोड दिए। उनले ज्येष्ठ नागरिकहरूले आफ्नो अनुभव र ऊर्जा प्रयोग गरी समुदायको कल्याणमा योगदान दिन सक्ने बताए। समाजमा सेवा गरिरहेका वरिष्ठ नागरिकहरूको उदाहरण दिँदै उनले अरूलाई पनि नेतृत्व प्रदान गर्न प्रोत्साहित गरे।
विधायकले पञ्चायत सदस्यहरूलाई आफ्नो कार्यालयमा उपलब्ध रहन अपिल गर्दै नागरिकहरूले सहजै सेवाहरू प्राप्त गर्न र समस्याहरू समाधान गर्न सकून् भने। गलत सञ्चारका कारण धेरै कल्याणकारी योजनाहरू बेवास्ता हुने र ज्येष्ठ नागरिक प्रायः लक्षित लाभबाट वञ्चित हुने खतरा रहेको उनले बताए। सबै ज्येष्ठ नागरिकलाई ज्येष्ठ नागरिक कार्ड बनाउन प्रोत्साहित गरिएको छ।
जिल्लापाल अनुपा तामलिङले समाजका वरिष्ठ सदस्यहरूको संरक्षण र सहयोगको महत्वमा जोड दिइन्। उनले ज्येष्ठ नागरिकहरूको कल्याणका लागि बनाइएका योजना र ऐनबारे सचेत रहन र समस्या भएमा जिल्लापाल वा एसडीएम कार्यालयमा लिखित निवेदन गर्न सकिने जानकारी दिइन्।
कार्यक्रममा तीन जना वरिष्ठ नागरिकहरूलाई सम्मान गरियो भने सेवानिवृत्त कर्मचारी र समाजका वरिष्ठ सदस्यहरूलाई पनि सम्मान प्रदान गरियो। उपस्थित ज्येष्ठ नागरिकहरूलाई ब्ल्याङ्केट, हिँड्ने लौरो, ह्वीलचेयर, श्रवण यन्त्र, घुँडाका ब्रेसेस र हिप ब्रेसेस वितरण गरियो।