तृणमूल समन्वय सुदृढिकरणमा जोड

गान्ताेक: सिटिजन एक्सन पार्टी (क्याप) सिक्किमको गान्तोक जिल्ला परिषदले आज रानीपुलमा जिल्ला कार्यकारी समितिको बैठक आयोजना गरेको छ। पार्टी अध्यक्ष गणेश कुमार राईको उपस्थितिमा भएको बैठकको उद्देश्य तृणमूल समन्वयलाई सुदृढ पार्नु र जनसंलग्नता सुनिश्चित गर्नु रहेको बताइएको छ।
बैठकमा गान्तोक जिल्ला परिषदले अध्यक्ष राईको नेतृत्व र मार्गदर्शनप्रति कृतज्ञता व्यक्त गरेको छ। साथै, बैठकको सुचारु र सफल सञ्चालनमा सबै जिल्ला नेतृत्वहरूले देखाएको समर्पण र मेहनतको पनि प्रशंसा गरिएको छ।
जिल्ला परिषदले आगामी गतिविधिहरूको लागि एकता, पारदर्शिता र सेवामुखी कार्य मुख्य मूल्य मान्यताका रूपमा कायम रहने बताएका छन्।