नयाँ दिल्ली: दक्षिण अफ्रिकाविरुद्ध हालै टेस्ट सीरीज गुमाएपछि भारतीय टीम अनि मुख्य प्रशिक्षक गौतम गम्भीरको सर्वत्र आलोचना भइरहेको छ। पूर्व स्पिनर हरभजन सिंहले पनि यस हारमाथि प्रश्न उठाउँदै पीचलाई विशेष निशाना बनाएका छन्। हरभजनको भनाइअनुसार, भारतीय टीमसँग ५ दिनको म्याचको निम्ति कुनै विशेषज्ञ अफ् स्पिनर छैनन् अनि उनले वाशिंगटन सुन्दरको कार्यभार बढ़ाउने कुरा गरेका छन्। भारतलै हालै दक्षिण अफ्रिकाविरुद्ध २ वटा टेस्ट म्याचको सीरीजमा २-०-ले हारको सामना गर्नु परेको थियो। यो दक्षिण अफ्रिकाको भारतमा २५ सालपछि टेस्ट सीरीज जीत थियो। रविचन्द्रन अश्विनले सन्न्यास लिएपछि सेना देशहरू (दक्षिण अफ्रिका, ईंग्ल्याण्ड, न्यूजील्याण्ड र अष्ट्रेलिया) विरुद्ध पहिलो घरेलु सीरीजमा भारतीय स्पिनरहरूलाई मैदानमा कमजोर देखियो। के भारतसँग दाहिने हातका विशेषज्ञ स्पिनर छैनन् त भन्ने प्रश्नको जवाफमा हरभजनले भने, मलाई त त्यस्तै लाग्छ। टीममा वाशिंगटन सुन्दर त छन् तर उनलाई धेर ओभर बलिंग गराइँदैन। उनले एउटा टेस्ट म्याचमा कम्तीमा ३०-३५ ओभर बलिंग गर्नु पर्छ। त्यसपछि मात्र उनी एकजना बलर बन्नेछन्। यसबाहेक जुन थरीका पीचहरूमा हामी खेलिरहेका छौं त्यसमा कसैलाई बलर बन्ने आवश्यकता छैन कारण हरेक बल स्पिन हुन्छ या केही बल सीधा रहन्छ। एकजना बलरलाई तब मात्र असल मानिन्छ जसले असल पीचहरूमा पनि विकेट लिन सक्छन्। हरभजनले भारतमा असल पीचहरू तयार गर्न समय आएको बताएका छन्। उनले भने, असल पीचहरू बनाउने यही सही समय हो कारण देशमा टेस्ट क्रिकेटरहरूका विकास घरेलु मैदानमा टर्निंग पीचहरूमा खेल्दा-खेल्दा रोकिएको छ। यसैकारण हामीले असल पीचहरू तयार गर्नु पर्नेछ। यस्ता पीचहरूमा खेलेको एक दशकभन्दा अधिक समय भइसकेको छ, जहाँ भारतीय क्रिकेटको ओभरअल विकास हुन सकेको छैन।