नयाँ दिल्ली: चक्रवाती तूफान ‘डिटवा’का कारण श्रीलंकामा आएको बाढी र पहिरोले ठूलो मानव–संकट सिर्जना भएपछि भारतले ‘अपरेशन सागर बन्धु’ सञ्चालन गरेको छ। शुक्रबार राति आपतकालीन खाद्य सामग्री र सरसफाइका सामानसहित भारतीय वायुसेनाको सी-१३० विमान कोलम्बो पुगेको छ।
यसबाहेक भारतीय नौसेनाका विमानवाहक पोत आईएनएस विक्रान्त तथा आईएनएस उदयगिरि द्वारा पहिलो चरणको राहत सामग्री श्रीलंकामा पुर्याइएका छन्। केलानी र अट्टानागलु नदीको बढ्दो जलस्तरका कारण ‘वेस्टर्न प्रोभिन्स’मा अप्रत्याशित विपत् को चेतावनी जारी भएको छ।
श्रीलंकाको आपदा प्रबंधन केंद्र अनुसार अहिलेसम्म ६९ जनाको मृत्यु, ३४ जना बेपत्ता, र २ लाखभन्दा बढी मानिस प्रभावित भएका छन्। केन्द्रीय पहाडी क्षेत्र बैडुल्ला पहिरोले धेरै प्रभावित भएको छ र ३५ भन्दा बढी मृत्यु भइसकेका छन्।
अझै वर्षा जारी रहने सम्भावना भएकाले नदी तथा जलाशयको पानी बढिरहेको छ। करिब ३५ प्रतिशत क्षेत्रमा विद्युत सेवा अवरुद्ध छ जसका कारण ७० लाखभन्दा बढी उपभोक्ताहरू प्रभावित भएका छन्।