कोलकाता: मणिपाल अस्पताल कोलकाताले आज मणिपाल एम्बुलेंस रिस्पांस सर्विस(एमएआरएस) को औपचारिक रूपमा सार्वजनिक गर्दै शहरको आपतकालीन स्वास्थ्य सेवा सुदृढीकरणतर्फ महत्वपूर्ण कदम अघि सारेको छ।
यस अन्तर्गत अस्पतालले १७ आधुनिक मणिपाल एम्बुलेन्स परिचालन गरेको छ, जसमध्ये ५ वटा एडवांस्ड कार्डियक लाइफ सपोर्ट(एसीएलएस) तथा १२ वटा बेसिक लाइफ सपोर्ट (बीएलएस) यूनिट छन्। साथै २० कोलकाता एक्सीडेंट रिस्पांस असिस्टेंस(कर्मा) एम्बुलेन्स पनि समावेश गरिएको छ, जुन कोलकाता प्रहरीसँगको सहकार्यमा सन्चालित हुनेछ र सडक दुर्घटना पीडितलाई ‘गोल्डेन–आवर’ भित्रै जीवनरक्षक सेवा उपलब्ध गराउनेछ।
मणिपाल अस्पतालले आफ्नो नेटवर्कमार्फत दैनिक १०० भन्दा बढी एमएआरएस एम्बुलेन्स प्रयोग गरी ५०० भन्दा बढी आपतकालीन कल को जवाफ दिँदै आएको छ।
लॉन्च समारोहमा कोलकाता तथा बिधाननगर प्रहरी आयुक्तालयका उच्च पदाधिकारी श्री मुकेश (आईपीएस), श्री रूपेश कुमार, श्री येइलवाड श्रीकांत जगन्नाथराव (आईपीएस) तथा श्री नीमा नोरबू भूटिया उपस्थित थिए।
अस्पतालतर्फबाट डा. मैबल वास्नाइक, श्री मधुर गोपाल, डा. इन्द्रनील दास, डा. किशेन गोयल, डा. सुजॉय दास ठाकुर तथा डा. अयनाभ देबगुप्तालगायतका विशेषज्ञ सहभागी थिए।
एमएआरएस भारतकै अत्याधुनिक प्री–हॉस्पिटल इमरजेन्सी केयर परियोजनामध्ये एक हो। ईसीजी, डिफिब्रिलेटर, भेन्टिलेटर, मल्टी–प्यारामिटर मोनिटर जस्ता उपकरणसमेत रहेको यस सेवाले अस्पतालसम्म पुग्नु अघि नै बिरामीलाई स्थिर बनाउन मद्दत गर्छ।
हरेक आपतकालीन कललाई तालिम प्राप्त विशेषज्ञद्वारा ट्रायेज गरिन्छ र अत्यन्त गम्भीर अवस्थामा कल सिधै २४/७ उपलब्ध चिकित्सकलाई समन्वय गरिन्छ।
एम्बुलेन्स चालक बीएलएस प्रमाणित हुन्छन् र हरेक एम्बुलेन्समा दुई ईएमटी अनिवार्य रूपमा खटाइन्छ।
गम्भीर अवस्थाका बिरामीलाई कोलकाताभित्रका मणिपाल अस्पतालहरूमा निःशुल्क एम्बुलेन्स ड्रप–अफ सुविधा प्रदान गरिनेछ।
डा. इन्द्रनील दासका अनुसार भारतमा ढिलो चिकित्सा सहायता प्रमुख मृत्युकारकमध्ये एक हो।
डा. किशेन गोयलले आपतकालीन उपचारमा हरेक मिनेटले जीवनरक्षाको सम्भावना १०% बढाउने बताए।
डा. सुजॉय दास ठाकुरले समयमै प्री–हस्पिटल हस्तक्षेप भए ट्रमा मृत्युका दर ३०% सम्म घट्न सक्ने बताए।
डा. अयनाभ देबगुप्ताका अनुसार एमएआरएस को सुरु आत्मनिर्भर तथा छरितो आपत प्रतिक्रिया प्रणालीतर्फ ठूलो फड्को हो।