नयाँ दिल्ली: दक्षिण अफ्रिकाविरुद्ध टेस्ट सीरीजमा २-०-ले हारले भारतीय क्रिकेट टीमका प्रशंसकहरूलाई ठूलो झट्का लागेको छ। गुवाहाटी टेस्ट म्याचमा ४०८ रनले निराशाजनक हारको सम्मुखीन भएपछि प्रशंसकहरूले विशेषहरी कार्यवाहक कप्तान रिषभ पन्तलाई निशाना बनाए, जसले शुभमन गिलको अनुपस्थितिमा टीमको अगुवाई गरेका थिए। पन्तले ब्याटको साथ पनि पूरा सीरीजमा केही खास गर्न सकेनन् अनि ४ वटा ईनिंग्समा केवल ४९ रन बनाए। आलोचनाहरूबीच पन्तले सोशल मीडियामा आफ्ना प्रशंसकहरूसँग माफी माग्नको साथै यस असफलताबाट शिक्षा लिएर उनी अनि टीम मबजूत हुने भरोसा दिलाएका छन्। पन्तले लेखेका छन्, हामीले गत २ हप्तामा असल क्रिकेट खेलेनौं अनि यसलाई अस्वीकार गर्न सकिँदैन। एउटा टीम र एकजना खेलाड़ीको रूपमा पनि हामी सदा उच्च स्तरमा परफर्म गर्न चाहन्छौं अनि अरबौं भारतीयहरूका मुहारमा मुस्कान ल्याउन चाहन्छौं। यसपाली हामीले आशानुरुप प्रदर्शन गर्न सकेनौं अनि यसको निम्ति म माफी माग्छु। एउटा टीम र एकजना व्यक्तिको रूपमा हामी असफलताहरूबाट शिक्षा लिएर अघि बढ़न चाहन्छौं। यस खेलले हामीलाई सिक्ने अनि अघि बढ़्ने मौका दिन्छ। भारतको प्रतिनिधित्व गर्नु ठूलो सम्मान हो। हामी फेरि एकजुट भएर फर्किनेछौं। तपाईंहरूको अपार समर्थनको निम्ति धन्यवाद। उल्लेखनीय छ, टेस्ट सीरीजको अवधि पन्तको शट् सेलेक्शनलाई लिएर पनि धेरैले प्रश्न उठाएका थिए। टेस्ट सीरीजपछि भारतीय टीमले अब दक्षिण अफ्रिकाविरुद्ध ३० नोभेम्बरदेखि शुरु हुने वनडे सीरीजमा हिस्सा लिनेछ। वनडे सीरीजमा ३ वटा म्याच खेलिनेछ।