कोलकाता: भारतको अग्रणी क्यान्सर उपचार संस्था अपोलो क्यान्सर सेन्टर्स (एसीसी) ले पेटको क्यान्सरको प्रारम्भिक पहिचान र सचेतना फैलाउने उद्देश्यसहित ‘सेभ माई स्टमक (एसएमएस)’ नामक अभियान काे शुभारम्भ गरेको छ।
पेटको क्यान्सरलाई प्रायः “साइलेन्ट किलर” भनेर चिनिन्छ, किनकि यसको लक्षण प्रायः रोग धेरै फैलिसकेपछि मात्र देखापर्छ। त्यसैले यस अभियानलाई समयमै जाँच र उपचारको पहुँच बढाउने महत्वपूर्ण प्रयासका रूपमा हेरिएको छ।
ग्लोबोक्यान २०२० अनुसार पेटको क्यान्सर विश्वभर पाँचौँ सबैभन्दा धेरै देखिने क्यान्सर हो भने भारतमा यसको दर ४.५% छ। एक अध्ययनले पूर्वी भारतमा भेटिएका पेटको क्यान्सरका ७०% बिरामी पुरुष रहेको देखायो। मिजोरममा पुरुष–महिला अनुपात २.३:१, कश्मीरमा ३.३:१ देखियो।
यी तथ्यहरूले केही क्षेत्रमा पुरुष जनसंख्या विशेष जोखिममा रहेको र त्यहाँ लक्षित सचेतना तथा प्रारम्भिक जाँच आवश्यक रहेको देखाउँछ।
कार्यक्रमका अवसरमा विशेषज्ञहरूले भने, “छिटो पहिचान भएमा पेटको क्यान्सरको उपचार सफल हुने दर निकै उच्च हुन्छ र जीवन बच्ने सम्भावना धेरै बढ्छ।”