नयाँ दिल्ली: फूटबल इतिहासमा एउटा नयाँ अध्याय जोड़िएको छ। क्यारेबियन देश कुरासाओ-ले आउँदो साल हुने फिफा वर्ल्ड कपको निम्ति क्वालीफाई गऱ्यो, जसको जनसंख्या केवल १.५६ लाख रहेको छ। यसरी कुरासाओ फूटबल वर्ल्ड कपको निम्ति क्वालीफाई गर्ने सबैभन्दा कम्ती जनसंख्या भएको देश बनेको छ। कनकाकाफ क्षेत्रबाट जमैकाविरुद्ध ग्रुप एच-को म्याच गोलरहित ड्र (०-०) रहनको साथै कुरासाओले यस उपलब्धिलाई हासिल गऱ्यो। यसरी कुरासाओ ६ वटा म्याचमा १२ पोइण्ट्सको साथ ग्रुपको शीर्ष स्थानमा रह्यो। कुरासाओले क्वालीफायरमा एउटा म्याच पनि हारेन। यसअघि यो रेकर्ड आइसल्याण्डको नाममा रहेको थियो, जसले २०१८-मा वर्ल्ड कपको निम्ति क्वालीफाई गरेको थियो। त्यस समय आइसल्याण्डको जनसंख्या लगभग ३..५ लाख थियो। कुरासाओले यस रेकर्डलाई लगभग आधा जनसंख्याको साथ तोड़ेको छ। कुरासाओको निम्ति यो यात्रा अझ प्रेरणादायक रह्यो कारण टीमले यो उपलब्धि मुख्य प्रशिक्षक डिक एडवोकाटको अनुपस्थितिमा हासिल गऱ्यो। ७८ वर्षीय एडवोकाटले नीदरल्याण्डको राष्ट्रिय टीमलाई तीनपल्ट कोच गरेका थिए। यसको साथमा उनले दक्षिण कोरिया, बेल्जियम र रुसको टीमसँग पनि काम गरेका थिए। उनी पारिवारिक कारणहरूले गर्दा गत हप्ता नीदरल्याण्ड फर्किएका थिए। टीमले उनी बिना पनि अनुशासित र उत्कृष्ट प्रदर्शनको क्रम जारी राख्यो।