महिन्द्रा लास्ट माइल मोबिलिटी लिमिटेड (एमएलएमएमएल) ले तीन लाखभन्दा बढी इलेक्ट्रिक सवारीसाधन बिक्री गर्दै भारतको नम्बर १ कमर्शियल ई–भी निर्माता कम्पनीको रूपमा आफ्नो अग्रता झनै मजबुत बनाएको छ। यो उपलब्धि हासिल गर्ने देशकै पहिलो ओईएम कम्पनी महिन्द्रा बनेको छ।
ट्रिओ श्रृंखला, जोर ग्रान्ड, ई–अल्फा थ्री–ह्वीलर तथा महिन्द्रा जियो फोर–ह्वीलरसमेत समेटिएको कम्पनीको पोर्टफोलियो अहिले भारतकै सबैभन्दा व्यापक इलेक्ट्रिक कमर्शियल सवारीसाधन लाइन–अप मानिन्छ। यी ई–भीहरूले मिलेर ५ बिलियन किमीभन्दा बढी यात्रा गरेका छन्, जसले करिब १८५ किलो मेट्रिक टन सीओ₂ उत्सर्जन रोकिएको कम्पनीको दाबी छ—यो करिब ४३ लाख बोट बिरुवा रोपाइँ बराबरको वातावरणीय प्रभाव हो।
लास्ट माइल मोबिलिटीको विद्युतीकरणप्रति प्रारम्भिक ध्यान र साझेदारहरूसँग विकसित हुँदै गएको ई–भी इकोसिस्टमका कारण ग्राहकहरूको अपनाउने दर तीव्र रूपमा बढिरहेको कम्पनीले जनाएको छ। पछिल्ला १२ महिनामात्रै १ लाख ई–भी बिक्री हुनु यसको प्रमाणको रूपमा लिइएको छ।
कम्पनीले ग्राहक सुझावका आधारमा पछिल्ला वर्षहरूमा ट्रिओ प्लस शीट मेटल, ई–अल्फा प्लस, जोर ग्रान्ड रेन्ज प्लस र महिन्द्रा जियो जस्ता धेरै नयाँ तथा उन्नत मोडेल बजारमा ल्याएको छ।
गत वर्ष २ लाख ई–भी उपलब्धि पार गरेपछि सुरू गरिएको ‘उदय नेएक्सट’ कार्यक्रम अन्तर्गत ड्राइभरहरूलाई २० लाख रुपैयाँको दुर्घटना बीमा तथा वित्तीय परामर्श सुविधा प्रदान गरिएको थियो।
अब ३ लाख ई–भीको उपलब्धि संगै कम्पनीले नयाँ निमो प्लेटफर्म सार्वजनिक गरेको छ। यो आईओएस, एंड्रॉयड र वेब तीनै माध्यमबाट चल्ने प्लेटफर्म हो, जसले फ्लीट तथा ड्राइभर व्यवस्थापनलाई सजिलो बनाउँदै रिमोट मोनिटरिङ, जियो–ट्र्याकिङ, सर्विस बुकिङ, रोडसाइड असिस्टेन्स र चार्जिङ नेटवर्क लोकेशन जस्ता सेवा एकै स्थानमा उपलब्ध गराउँछ।
महिन्द्रा लास्ट माइल मोबिलिटीकी प्रबन्ध निर्देशक तथा सीईओ सुमन मिश्राले भने, “३ लाख ई–भीको उपलब्धि हाम्रो लागि निकै गौरवको विषय हो। यो ग्राहकहरूको विश्वास मात्र होइन, स्वच्छ र व्यवहार्य भविष्य निर्माणतर्फको हाम्रो प्रतिबद्धताको प्रमाण पनि हो।”