काेलकत्ता: जसप्रीत बुमराहको अगुवाईमा बलरहरूका उत्कृष्ट प्रदर्शनको सहायताले भारतले पहिलो टेस्ट म्याचको पहिलो दिन नै दक्षिण अफ्रिकालाई दबाउमा पाऱ्यो। ईडन गार्डन्समा शुक्रवार दक्षिण अफ्रिकाको पहिलो ईनिंग्स केवल १५९ रनमा समाप्त भयो। त्यसपछि भारतले पहिलो दिनको खेल समाप्त हुँदासम्म आफ्नो पहिलो ईनिंग्समा १ विकेट गुमाएर ३७ रन बनायो। भारतले आज एकमात्र विकेटको रूपमा ओपनर यशस्वी जयसवाललाई गुमायो, जसले १२ रन बनाए। जयसवाललाई मार्को यानसनले बोल्ड गरे। केवल १८ रनमा पहिलो विकेटको पतनपछि केएल राहुल र तेस्रो नम्बरमा ब्याटिंग गर्ने वाशिंगटन सुन्दरले मिलेर दिनको अन्तसम्म टीमलाई थप नोक्सानको सम्मुखीन हुन दिएनन्। राहुल १३ र सुन्दर ६ रनमा अविजित छन्। यसअघि टस जितेर पहिला ब्याटिंग गर्ने दक्षिण अफ्रिकी टीमलाई बुमराहले माटोमा मिलाए। भारतीय पेस बलरले २७ रन खर्च गरी ५ विकेट लिए। यसबाहेक मोहम्मद सिराज र कुलदीप यादवले २-२ विकेट हासिल गरे। एक विकेट अक्षर पटेलको खातामा गयो। दक्षिण अफ्रिकाको ईनिंग्समा कसैले अर्द्धशतक पनि बनाउन सकेनन्। ओपनर एडन मार्करमले सर्वाधिक ३१ रन बनाए। यसबाहेक वियान मुल्डर र टोनी डी जोर्जीले २४-२४ रनको योगदान दिए। रेयान रिकेल्टन २३ रन बनाएर आउट भए। मार्करम र रिकेल्टनले पहिलो विकेटको निम्ति ५७ रनको पार्टनरशीप गरी टीमलाई असल शुरुवात दिलाए पनि भारतीय बलरहरूले लगातार विकेट हासिल गरी भ्रमणकारी टीमलाई दबाउमा राखे। दक्षिण अफ्रिकी कप्तान तेम्बा बावूमा केवल ३ रन बनाएर आउट भए।