काठमाडौं: ग्लोबल पिस फाउन्डेसन, त्रिभुवन विश्वविद्यालयको हिन्दी विभाग, नेपाल पर्यटन बोर्ड र हिन्दी साहित्य भारती (अन्तर्राष्ट्रिय) ले संयुक्त रूपमा काठमाडौंमा “नेपाल-भारत सांस्कृतिक संवाद” शीर्षकको विशेष कार्यक्रम आयोजना गरे।
नेपाली हस्तकला उत्पादनहरू
भारतका पूर्व शिक्षामन्त्री डा. रवीन्द्र शुक्लाको नेतृत्वमा विश्वविद्यालयका प्राध्यापकहरूको टोली हाल नेपालका धार्मिक स्थलहरूको भ्रमण गरिरहेका छन्। टोलीको उपस्थितिमा आयोजित कार्यक्रममा प्रमुख अतिथि पूर्वमन्त्री गणेश शाहले नेपाल र भारतबीचको सम्बन्धलाई सुदृढ बनाउन यस्ता संवादहरू महत्त्वपूर्ण हुने विचार व्यक्त गरे।
त्रिभुवन विश्वविद्यालयको हिन्दी विभागकी डा. श्वेता दीप्तीले स्वागत मन्तव्य दिँदै नेपाल र भारतबीचको सम्बन्ध आमाको घर र ससुराको घरबीचको पुल जस्तै भएको बताइन्।