आज नेपाल – बङ्गलादेशबिच  मैत्रीपूर्ण फुटनल खेल हुने

काठमाडौं: नेपाल र बङ्गलादेशबिच आज मैत्रीपूर्ण खेल हुने छ। नेपाल र बङ्गलादेशको राष्ट्रिय टोली बिचको मैत्रीपूर्ण खेल आज साँझ पौने ८ बजेदेखि ढाकाको नेशनल स्टेडियममा सुरु हुँदै छ।

प्रशिक्षक हरि खड्काले बङ्गलादेशसँग नेपालले राष्ट्रको गौरवको लागि खेल्ने बताए। ‘हामीले बङ्गलादेशसँग यसअघि एउटा मैत्रीपूर्ण खेल खेलिसकेका छौं। हामी हाम्रो राष्ट्रको गौरवको लागि खेल्नेछौँ’ प्रि म्याच प्रेस कन्फ्रेन्समा प्रशिक्षक खड्का भन्छन।

नेपालका कप्तान किरण चेम्जोङले नेपाली टिम र बङ्गलादेश बीचको खेल सधैँ प्रतिस्पर्धात्मक हुने र खेलका लागि आफूहरू तयार रहेको बताए। ‘हामीले भदौमा बङ्गलादेशसँग एउटा मैत्रीपूर्ण खेल नेपालमा खेलेका थियौं ‌। दोस्रो खेल खेल्ने वातावरण मिलेन। हामी ढाकामा खेल्दैछौं। बङ्गलादेशसँगको खेल प्रतिस्पर्धात्मक हुने गर्दछ। यो खेल हामीले मलेसियासँगको एएफसी एसियन छनोटको तयारीको रुपमा खेल्नेछौं।’

मैत्रीपूर्ण खेलमा बङ्गलादेशको स्टार खेलाडी हम्जा चौधरी पनि खेल्दैछन्। चौधरीको विषयमा पत्रकारलाई जवाफ दिँदै खड्काले भने, ‘हम्जा चौधरी एक उत्कृष्ट खेलाडी हुन्। बङ्गलादेशको टिममा एक अर्को खेलाडी थपिँदैछ तर हामी डराउँदैनौं हामी भोलिको खेलका लागि तयार छौं।’

नेपालले यसपछि नोभेम्बर १८ मा मलेसियासँगै एएफसी एसिया कप छनोटको खेल खेल्दैछ।

About Author

[DISPLAY_ULTIMATE_SOCIAL_ICONS]

Advertisement