टर्की र कतार पनि अचम्मित

इस्लामाबाद: पाकिस्तान र अफगान तालिबानबीच चलेको शान्ति वार्ता कुनै पनि ठोस नतिजा बिना टुंगिएको छ। दुई दिनसम्म चलेको वार्तामा ‘सीमापार आतंकवाद’ र तहरीक–ए–तालिबान पाकिस्तान (टीटीपी) का लडाकुहरूबारे सहमति बन्न सकेन।
पाकिस्तानका रक्षा मन्त्री ख्वाजा आसिफका अनुसार, अफगानिस्तानले आफ्नो भूमिबाट पाकिस्तानविरुद्ध हुने आक्रमण रोक्ने लिखित प्रतिबद्धता दिन अस्वीकार गरेको छ। उनले भने, “वार्ता पूर्ण गतिरोधमा पुगेको छ, र अब चौथो चरणको कुनै तालिका छैन।”
उनले टर्की र कतारले तनाव घटाउन गरेको प्रयासप्रति धन्यवाद व्यक्त गरे। तर, उनले स्पष्ट पारे, “पाकिस्तान अब केवल औपचारिक र लिखित सम्झौतामात्र स्वीकार गर्नेछ।”
आसिफले चेतावनी दिएका छन्, “यदि अफगान भूमिबाट पाकिस्तानमाथि उक्साउने गरी कुनै आक्रमण भयो भने पाकिस्तानले पनि कठोर जवाफ दिनेछ।”