भनिन्: यो मानवताप्रति विश्वासघात हो

कोलकाता: पश्चिम बंगालमा विशेष मतदाता सूची समीक्षा (एसआईआर) प्रक्रिया शुरु हुनासाथ राज्यमा डर, भ्रम र अफवाहको वातावरण फैलिएको छ। यसैबीच पछिल्ला ७२ घण्टामा तीन व्यक्तिले आत्महत्या वा आत्महत्या प्रयास गरेका घटनाले राज्यको राजनीति कम्पनमा पारेको छ।
मुख्यमन्त्री ममता बनर्जीले बिहीबार आफ्नो आधिकारिक ट्विटरमा लेखिन् कि भाजपा द्वारा गरिएको “डर, विभाजन र घृणाको राजनीति” एसआईआर प्रक्रिया दौरान दुःखद परिणाम ल्याएको छ। उनले बताए अनुसार २७ अक्टोबरमा खड़दहको पानीहाटीमा ५७ वर्षीय प्रदीप करले आत्महत्या गरे, २८ अक्टोबरमा कूचबिहारको दिनहाटामा ६३ वर्षीय वृद्धले आत्महत्या प्रयास गरे, र पश्चिम मेदिनीपुरमा ९५ वर्षीय खितीश मजुमदारले एसआईआर को डरले आफ्नो जीवन गुमाए।
मुख्यमन्त्रीले लेखिन्, “एक ९५ वर्षीय नागरिक, जसले आफ्नो जीवन यस माटोलाई समर्पित गरेर बिताए, उसलाई प्रमाणित गर्न आफ्नो जीवन गुमाउनु प¥यो कि उनी यस देशको नागरिक हुन्। यो केवल त्रासदी होइन, मानवताप्रति विश्वासघात हो।”
ममता बनर्जीले प्रश्न उठाइन् कि यी राजनीतिक प्रेरित दुःखद घटनाहरूको जिम्मेवारी कसले लिनेछ र भाजपा माथि आरोप लगाइन् कि एसआईआर को बहानामा राज्यमा एनआरसी लागू गर्ने प्रयास भइरहेको छ। उनले नागरिकहरूलाई भरोसा दिइन् कि कुनै पनि नागरिकलाई ‘विदेशी’ घोषणा गरिने छैन र राज्य सरकार हरेक नागरिकको साथमा छ।
निर्वाचन आयोगले भने कि एसआईआर केवल नियमित प्रक्रिया हो भने भाजपा ले तृणमूलमाथि झूटा आरोप लगाएको दाबी गरेको छ। राजनीतिक विश्लेषकहरूले यो विषय आगामी चुनावमा राजनीतिक बहसमा प्रभाव पार्ने अनुमान गरेका छन्।