लण्डन: ईंग्लिश प्रीमियर लीग फूटबल प्रतियोगितामा गत सीजनको च्याम्पियन लिभरपूलले फेरि हारको सामना गर्नु पऱ्यो। यसबीच म्यानचेष्टर युनाइटेडले चाहिँ लगातार तेस्रो जीत हासिल गऱ्यो। शनिवार राति खेलिएको म्याचमा लिभरपूलले ब्रेण्टफोर्डविरुद्ध ३-२-ले हारको सामना गर्नु पऱ्यो। यो लिभरपूलको प्रीमियर लीगमा लगातार चौथो हार हो। यस अवे म्याचमा ६६ प्रतिशत पोजेशनको साथ खेले पनि लिभरपूल शुरुमै २ गोलले पछाड़ियो। त्यसपछि टीमले सक्दो प्रयास गरे पनि म्याच बचाउन सकेन। ब्रेण्टफोर्डको निम्ति डांगो ओट्टाराले पाँचौंं, केविन शाडेले ४५औं र इगोर थिआगोले ६०औं मिनटमा गोल गरे। यसरी लिभरपूलबाट मिलोस केरकेजले मध्यान्तरको ठीक अघि इञ्ज्युरी टाइमको पाँचौं मिनट र मोहामेद सालाहले ८९औं मिनटमा गोल गरे। यस हारपछि लिभरपूल ९ वटा म्याचमा १५ पोइण्ट्सको साथ गोल अन्तरको आधारमा प्रीमियर लीग पोइण्ट्स टेबलको छैटौं स्थाानमा रहन पुग्यो। यसरी दशौं स्थानमा रहने ब्रेण्टफोर्डसँग १३ पोइण्ट्स रहेको छ। यसबीच म्यानचेष्टर युनाइटेडले ब्राइटनलाई ४-२-ले सजिलै पराजित गऱ्यो। आफ्नो होम ग्राउण्ड ओल्ड ट्रेफर्डमा ४२ प्रतिशत पोजेशनको साथ खेल्ने युनाइटेडको तर्फबाट ब्रायन एम्ब्यूमोले ६१औं र इञ्ज्युरी टाइमको सातौं मिनटमा २ गोल गरे। यसबाहेक मेथिउस कुन्हाले २४औं र कासेमिरोले ३४औं मिनटमा गोल गरे। यसरी ब्राइटनको तर्फबाट डेनी वेलबेकले ७४औं र चारालाम्पोस कोस्तौलासले इञ्ज्युरी टाइमको दोस्रो मिनटमा गोल गरे। यस जीतको साथ म्यानचेष्टर युनाइटेड १६ पोइण्ट्सको साथ गोल अन्तरको आधारमा चौथो स्थानमा रहन पुग्यो।
चेल्सीले चाहिँ सण्डरल्याण्डविरुद्ध १-२-ले निराशाजनक हारको सामना गर्नु पऱ्यो। म्याचको शुरुवाती मिनटमै गोल हासिल गरे पनि चेल्सीले म्याच बचाउन सकेन। आफ्नो होम ग्राउण्ड स्टामफोर्ड ब्रीजमा ६९ प्रतिशत पोजेशनको साथ खेल्ने चेल्सीलाई अलेहान्द्रो गारनाचोले चौथो मिनटमै बढ़त दिलाए। त्यसपछि विल्सन इसिडोरले २२औं मिनटमा गोल गरी स्कोर १-१-को बराबरीमा पुऱ्याए। नियमित ९० मिनटको खेलसम्म पनि स्कोर बराबरीमै रहेको थियो तर इञ्ज्युरी टाइमको तेस्रो मिनटमा चेम्सडाइन ताल्बिले गोल गरेर सण्डरल्याण्डलाई जीत दिलाए। यस जीतको साथ सण्डरल्याण्ड १७ पोइण्ट्सको साथ दोस्रो स्थानमा पुग्यो। यसरी चेल्सी १४ पोइण्ट्सको साथ आठौं स्थानमा रहेको छ। प्रीमियर लीगका अन्य म्याचहरूमा लीड्स युनाइटेडले वेष्ट ह्यामलाई अनि न्यूक्यासलले फूलह्यामलाई २-१-को समान अन्तरले पराजित गऱ्यो।