कोलकाता: भारत चैंबर ऑफ कॉमर्स र सीसीजी मार्केटिङ एण्ड सर्भिसेजसँगको साझेदारीमा आयोजित ‘इंडिया इंटरनेशनल ग्रैंड ट्रेड फेयर २०२५'(आईआईजीटीएफ) को शुक्रबार सिटी स्क्वायर मैदानमा उद्घाटन गरियो। मेलामा कोलकातास्थित रूसी संघका कन्सुलर जनरल म्याक्सिम कोजलोभ, कोलकातास्थित म्यानमार गणराज्यका कन्सुल जनरल आङ आङ म्यो थेन, कोलकातास्थित नेपालका कन्सुलर जनरल झक्क प्रसाद आचार्य, इन्डो-जर्मन चेम्बर अफ कमर्सका क्षेत्रीय निर्देशक टम रेनर र भारत चैंबर ऑफ कॉमर्सका अध्यक्ष नरेश पचिसिया उपस्थित थिए। अक्टोबर २४ देखि नोभेम्बर ३ सम्म हुने दश दिने व्यापार मेला चेम्बरको १२५ वर्षको यात्रामा महत्वपूर्ण कोशेढुङ्गा हो। ५०० भन्दा बढी स्टलहरूमा फैलिएको यस मेलामा १० भन्दा बढी देशका साथै २० भारतीय राज्यका सहभागीहरूले उपभोग्य वस्तुहरू, हस्तकला र औद्योगिक उत्पादनहरूको विस्तृत श्रृंखला प्रदर्शन गर्नेछन्। व्यापार मेलाले उद्योग, एमएसएमई र अन्य व्यापारिक संस्थाहरूलाई आफ्ना उत्पादन र सेवाहरू प्रदर्शन गर्न, आफ्नो बजार पहुँच विस्तार गर्न र अन्तर्राष्ट्रिय व्यापार बढाउन गतिशील प्लेटफर्म प्रदान गर्दछ। भारतको अग्रणी व्यापार प्रदर्शनीहरू मध्ये एकको रूपमा, आईआईजीटीएफ २०२५ ले दिगो व्यापार वृद्धि र आर्थिक समावेशीकरणलाई प्रवर्द्धन गर्दै आत्मनिर्भर र विश्वव्यापी रूपमा जोडिएको भारतको भावनालाई प्रतिबिम्बित गर्दछ।