नयाँ दिल्ली: भारतीय प्रधानमन्त्री नरेन्द्र मोदी यस वर्ष मलेसियाको कुआलालम्पुरमा हुने आसियान (ASEAN) क्षेत्रीय शिखर सम्मेलनमा व्यक्तिगत रूपमा उपस्थित नहुने भएका छन्। यससँगै, उहाँ र अमेरिकी राष्ट्रपति डोनाल्ड ट्रम्पबीचको सम्भावित भेट पनि स्थगित भएको छ।
मलेसियाका प्रधानमन्त्री अन्वर इब्राहिमले बिहीबार फेसबुकमा लेख्दै जनाएका छन् कि प्रधानमन्त्री मोदीले फोनमार्फत आफू भर्चुअल रूपमा सहभागी हुने जानकारी दिएका छन्।
अन्वरका शब्दमा, “प्रधानमन्त्री मोदीले भारतमा दीपावली पर्व मनाइँदै भएकाले अनलाइन माध्यमबाट सहभागी हुने बताउनुभयो। म उहाँको निर्णयको सम्मान गर्छु र भारतका सबै नागरिकलाई दीपावलीको शुभकामना दिन्छु।”
यसबीच भारत–अमेरिका सम्बन्धमा पुनः व्यापारिक तनाव देखा परेको छ। राष्ट्रपति ट्रम्पले भारतका निर्यातमा ५० प्रतिशत शुल्क (ट्यारिफ) लगाउने घोषणा गरेका छन्, जसलाई भारतले रूसबाट तेल खरिद जारी राखेको प्रतिक्रियास्वरूप मानिएको छ।
ट्रम्पले हालै बताएका थिए कि उनले प्रधानमन्त्री मोदीसँग फोनमा कुरा गरी भारतले रूसी तेल आयात घटाउने आश्वासन पाएको बताए। तर, भारतीय विदेश मन्त्रालयले यसबारे कुनै पुष्टि गरेको छैन।
भारतका तेल उद्योगका वरिष्ठ अधिकारीहरूले भनेका छन् कि अमेरिकाले रातारात थपेका नयाँ प्रतिबन्धहरूले रूससँगको तेल आपूर्ति लगभग असम्भव बनाएको छ।
हाल भारत र अमेरिका बीच एक न्यायसंगत व्यापार सम्झौता (Fair Trade Agreement) को सम्भावना माथि छलफल जारी छ।
प्रधानमन्त्री मोदीले एक्स(पूर्व ट्विटर) मार्फत शिखर सम्मेलनमा आफ्नी भर्चुअल उपस्थितिको पुष्टि गरेका छन्, तर कुआलालम्पुर नजानुको कारणबारे कुनै औपचारिक टिप्पणी गरेका छैनन्।