अमिर खान मुत्तकीको पत्रकार सम्मेलन: महिला पत्रकारहरूमाथिको प्रतिबन्धप्रति तृणमूल कांग्रेस आक्रोशित

कोलकाता: अफगान विदेशमन्त्री अमीर खान मुत्तकीले दिल्लीमा गरेको पत्रकार सम्मेलनलाई लिएर मोदी सरकार विपक्षीहरूको आलोचनामा परेको छ। तालिबानको “महिला विरोधी” सर्तहरू उद्धृत गर्दै राष्ट्रिय राजधानी नयाँ दिल्लीमा आयोजित पत्रकार सम्मेलनमा कुनै पनि महिला पत्रकारलाई प्रवेश गर्न नदिएको आरोप लगाइएको छ। विपक्षी दलहरू, विशेष गरी तृणमूल कांग्रेसले घटनाप्रति कडा प्रतिक्रिया जनाएका छन्।

सांसद महुआ मैत्राले सरकारको आलोचना गर्दै यसलाई “पुरुष मात्र पत्रकार सम्मेलन” भने। उनले भारत सरकारले तालिबान प्रोटोकल किन अपनाएको भनेर प्रश्न गरिन्। तृणमूल कांग्रेसकी सांसद सागरिका घोषले यो कदमलाई लज्जास्पद र अस्वीकार्य भनेकी छिन् भने साकेत गोखलेले विदेश मन्त्रालयलाई “कायर” भनेकी छिन्। उनले भारत आफ्नै देशमा तालिबान विचारधाराको अगाडि झुकेको बताएकी छिन्।
तृणमूल कांग्रेसकी सांसद सुष्मिता देवले पनि घटनाको निन्दा गर्दै भनिन् कि जब प्रधानमन्त्री नरेन्द्र मोदीले देशका महिलाहरूको समर्थनमा खुलेर बोल्न सक्दैनन्, उनको “नारी शक्ति” को नारा बकम्फसे हो। विपक्षी दलले विदेशमन्त्री एस जयशंकरले महिला पत्रकारसँग माफी माग्नुपर्ने माग गरेको छ। यो घटनाले महिला अधिकारमाथि मात्र नभई भारतको विदेश नीतिको विश्वसनीयतामाथि पनि प्रश्न उठाएको छ।