कोलकाता: बंगालको सांस्कृतिक आत्मामा गहिरो गरी बसिरहेको दुर्गापूजाको उल्लास महाषष्ठीबाटै चरममा पुगेको छ। राजधानी कोलकातासहित सम्पूर्ण राज्यमा भव्य पण्डालहरूको सजावट र देवी दुर्गाको अलौकिक प्रतिमाहरू अवलोकन गर्न भक्तजनको ठूलो भीड उम्रिएको छ। श्रद्धा र भक्ति उमंगले वातावरण झन् विशेष बनेको छ।

महाषष्ठीको अवसरमा तृणमूल कांग्रेसका राष्ट्रिय महासचिव अभिषेक बनर्जीले सबैको मंगल कामना गर्दै भने, “अन्धकारको कुनै शक्ति आस्था र एकताको चमकलाई कहिल्यै कम गर्न सक्दैन।”
सामाजिक सञ्जालमार्फत उनले भनेका छन्, “माँ दुर्गाको प्रथम आह्वानले बंगाललाई आनन्द र श्रद्धाले भरिदिन्छ। षष्ठीको दिन हाम्रो घर र हृदय परम्परागत भावनाले गुन्जिन्छ, जब हामीले देवीलाई स्वागत गर्छौं। यो पवित्र सुरुवातले प्रत्येक घरमा शान्ति, शक्ति र असीम आशा ल्याओस्।”
राज्यभरि पण्डालहरूमा उम्रिएको भीड, परम्परागत सांस्कृतिक कार्यक्रम र भक्तजनको उमंगले यसपालिको दुर्गापूजा झन् विशेष बनेको छ।