कोलकाता: यस वर्षको दुर्गा पूजाको समयमा मौसम अनुकूल नहुन सक्ने संभावना देखिएको छ। मौसम विभागको अनुमान अनुसार षष्ठीदेखि दशमीसम्म दक्षिण बंगालका अधिकांश क्षेत्रमा वर्षा हुनसक्छ। बंगालको खाडीमा निर्माण हुँदै गरेको चक्रवातीय परिसंचरणका कारण पूजाका दिन मौसम अस्थिर रहनेछ।
२७ सेप्टेम्बर (पञ्चमी)देखि २९ सेप्टेम्बर (सप्तमी)सम्म राज्यका अधिकांश जिल्लामा हल्का देखि मध्यम वर्षा हुनसक्छ। अष्टमी (३० सेप्टेम्बर) देखि दशमी (२ अक्टोबर)सम्म वर्षाको तीव्रता बढ्ने र धेरै स्थानमा भारी वर्षा हुने सम्भावना छ।
विशेषगरी कोलकाता, हावड़ा, हुगली, उत्तर २४ परगना, पूर्व बर्दवान, मुर्शिदाबाद र नादिया जिल्लामा वर्षाको प्रभाव बढी देखिन सक्छ। यसले पाण्डालमा भीडभाड र विसर्जनको तयारीमा असर पार्न सक्छ।
उत्तर बंगालमा पछिल्ला दिनहरूमा वर्षा केही कम भए पनि आज र सोमबार केही उत्तरी जिल्लामा चम्कासँग वर्षा हुनसक्ने संभावना छ। सप्ताहान्तसम्म उत्तर बंगालमा वर्षाको गतिविधि फेरि बढ्नसक्छ।
मौसम विभागले प्रशासन र पूजा आयोजकहरूलाई सतर्क रहन सल्लाह दिएको छ, ताकि श्रद्धालुको सुरक्षा सुनिश्चित होस् र पर्वको उल्लास कायम रहोस्। जनता पनि मौसमको ताजा जानकारी लिंदै सावधानी अपनाउन अनुरोध गरिएको छ।