नयाँ दिल्ली/पटना: भारतीय कांग्रेसले प्रधानमन्त्री नरेन्द्र मोदीको बिहार भ्रमणको बीचमा भागलपुरस्थित पीरपैंतीमा प्रस्तावित ८०० मेगावाटको विद्युत् परियोजनाबारे गम्भीर प्रश्न उठाएको छ। पार्टीले आरोप लगाएको छ कि आसन्न चुनावमा हारको आशंका देखेपछि अदाणी समूहलाई १,०५० एकड जमिन उपहार दिइएको हो।
कांग्रेस सञ्चार विभाग प्रमुख पवन खेड़ाले यसलाई ‘डबल लूट’ को संज्ञा दिएका छन्। उनका अनुसार, यस संयन्त्रबाट उत्पादन हुने बिजुली बिहारका उपभोक्तालाई प्रतिउनिट ६.७५ भारतीय रुपैयाँमा बेचिनेछ, जबकि अन्य केही राज्यमा प्रतिउनिट ३–४ रुपैयाँमै उपलब्ध छ।
खेड़ाको दाबीअनुसार अदाणी समूहलाई १० लाख रूखसहित १,०५० एकड जमिन ३३ वर्षका लागि प्रतिवर्ष १ रुपैयाँ भाडामा दिइएको छ।
उनले आरोप लगाए कि प्रधानमन्त्री मोदीको भ्रमणका बेला स्थानीय बासिन्दालाई नज़रबन्दमा राखिएको थियो, ताकि उनीहरूले विरोध प्रदर्शन गर्न नपाऊन्।
खेड़ाले महाराष्ट्र, झारखण्ड र छत्तीसगढ़को उदाहरण दिँदै भने, चुनावपूर्व यी राज्यहरूमा पनि परियोजनाहरू अदाणी समूहलाई दिइएका थिए।
अदाणी समूह र बिहार सरकारको तर्फबाट भने यी आरोपबारे अहिलेसम्म कुनै प्रतिक्रिया आएको छैन।