‘शरद सृजनी सम्मान’ र ‘ख़ुशी’ पहल एकैसाथ

कोलकाता: बंगालको सांस्कृतिक पहिचान मानिने दुर्गा पूजा यसपालि केवल भक्ति र कलाको पर्व मात्र नभई करुणा र सामाजिक उत्तरदायित्वको प्रतीक बन्ने भएको छ। यही उद्देश्यका साथ शरद सृजनी सम्मान र ख़ुशी – ए हेल्पिंग हैंड ले संयुक्त पहलको घोषणा गरेका छन्।
सन् २०१३ देखि दिइँदै आएको शरद सृजनी सम्मानले दुर्गा पूजाका पण्डाल, प्रतिमा, कलात्मक सन्देश र नवीनतामा योगदान दिनेहरूलाई सम्मान गर्दै आएको छ। यसपालि दुई नयाँ विधा थपिएका छन्, चित्रलेखन शिल्पी सम्मान र विशेष जूरी पुरस्कार। साथै, पहिलोपटक आवासीय समाजहरूले पनि आफ्नो सृजनात्मकता प्रस्तुत गर्न पाउनेछन्।
त्यसैगरी ख़ुशी इन्डिया ग्रीन्स रियलिटी प्रा. लि. द्वारा सुरु गरिएको अभियान: शिक्षा, संस्कृति र वातावरणीय पहलमार्फत वञ्चित वर्गलाई सबल बनाउन सक्रिय छ। यसले अम्फान चक्रवातपछि करिब ५० हजार बिरुवा रोपेर हरियाली फर्काएको थियो भने कोभिड–१९ लकडाउनमा राहत पनि पुर्‍याएको थियो। यस वर्ष उन्मेष नामक नयाँ परियोजनामार्फत प्रतिभाशाली युवालाई शिक्षा, खेल र सांस्कृतिक क्षेत्रमा सहयोग पुर्‍याइनेछ।
आयोजकहरूका अनुसार दुर्गा पूजाजस्तो सामूहिक पर्वमा कला र करुणाको संयोजनले समाजलाई अझ सशक्त बनाउन सहयोग पुर्‍याउनेछ। भविष्यमा यस यात्रालाई अझै प्रभावशाली बनाउन प्रतिबद्ध रहेको उनीहरूले बताएका छन्।