कराची: पाकिस्तान तहरीक-ए-इन्साफ (पीटीआई) का संस्थापक इमरान खानकी पूर्व पत्नी र पत्रकार तथा सामाजिक कार्यकर्ता रेहम खानले मंगलबार आधिकारिक रूपमा आफ्नो नयाँ राजनीतिक दल गठनको घोषणा गरेकी छिन्। उनको पार्टीको नाम “पाकिस्तान रिपब्लिक पार्टी” राखिएको छ।
मिडियासँग कुरा गर्दै रेहम खानले भनिन् उनको पार्टी शासकहरूलाई पछ्याउनेछ र जनताको आवाज बन्नेछ र हरेक मञ्चमा मुद्दा उठाउनेछ। उनले भने “पाकिस्तान रिपब्लिक पार्टी” को उद्देश्य केवल सत्ता प्राप्त गर्नु मात्र नभई जनहित, पारदर्शिता र न्यायको लागि संघर्ष गर्नु हो।
रेहम खानले थप भनिन् देशको वर्तमान राजनीतिक प्रणालीमा आम नागरिकको आवाज दबाइएको छ, तर उनको पार्टी हरेक उपेक्षित वर्गको प्रतिनिधि बन्नेछ। उनले राजनीतिलाई सेवामा रूपान्तरण गर्न आफ्नो पार्टी मैदानमा उत्रने दृढ संकल्प व्यक्त गरिन्।