कोलकाता :१२ घण्टा लामो बहसपछि बिहीबार लोकसभामा वक्फ (संशोधन) विधेयक पारित भएको छ। लामो र विवादास्पद बहसपछि राज्यसभामा विधेयक स्वीकृत भएको हो। माथिल्लो सदनमा वक्फ संशोधन विधेयक पक्षमा १२८ र विपक्षमा ९५ मतले पारित भएको थियो। यसअघि यो लोकसभामा अनुमोदन भएको थियो, जहाँ २८८ सांसदहरूले विधेयकको समर्थन गरेका थिए भने २३२ जनाले विपक्षमा मतदान गरेका थिए।
वक्फलाई प्रभावहीन बनाउन संशोधन ल्याउछौँ: ममता बनर्जी
बङ्गालका मुख्यमन्त्री ममता बनर्जीले बिहीबार भाजपाले देशलाई विभाजन गर्न वक्फ विधेयक ल्याएको र नयाँ सरकार बनेपछि यसलाई प्रभावहीन बनाउन संशोधन ल्याउने बताएकी छन्। उनले पत्रकारहरुलाई भने, ‘वर्तमान सरकारलाई हटाएर नयाँ सरकार बनेपछि यो वक्फ विधेयकलाई प्रभावहीन बनाउन नयाँ संशोधन ल्याउछौँ। उनले भने, ‘देश टुक्राउन भाजपाले यो विधेयक ल्याएको हो। यी सबै भन्दै सीएम ममताले बीजेपीको निकै आलोचना गरिन्।
काेलकाताकाे नखोदा मस्जिदका इमामले पनि वक्फको विरोध गरेका छन्:
नाखोडा मस्जिदका इमाम मोहम्मद शफिक कास्मीले आफू वक्फ विधेयकको विरोध गर्ने तर शुक्रबारको नमाजको समयमा विरोध गर्ने वा नगर्ने निर्णय नभएको बताए। “यो एआइएमपीएलबिले हामीलाई के भन्छ भन्नेमा निर्भर गर्दछ।” “प्रधानमन्त्री नरेन्द्र मोदीले मुस्लिमहरूमाथि ‘जुल्म’ (अन्याय) गरिरहेका छन्। यो संशोधन विधेयक एक विशेष समुदायमाथिको एकतर्फी उत्पीडन हो। के यही कारणले हाम्रो समुदायका मानिसहरू स्वतन्त्रताका लागि लडेका थिए? उनीहरूको सम्पत्ति खोस्न.सकियोस् भनेर? म चन्द्रबाबु नायडू र नितिश कुमारलाई पनि यो कानूनको समर्थन गरेकोमा दोष दिन्छु।”