सिलीगुड़ी: अवैध रुपमा भारत प्रवेश गरेको आरोपमा सिलगढीमा एक बंगलादेशी युवक पक्राउ परेका छन्। साथै उनलाई साथ दिने भारतीय पनि पक्राउ परेका छन्।नेपाल–भारत सीमानाका खोडीबारीबाट एक भारतीय र एक बंगलादेशी पक्राउ परेका छन्।खोडीबारीको पानीटङ्की नाकास्थित मेची खोलामा गस्तीका क्रममा एसएसबीले मोटरसाइकलमा शंकास्पद अवस्थामा दुई जनालाई देखेपछि उनीहरुलाई रोकेर सोधपुछ गरेको थियो। सोधपुछका क्रममा सही जवाफ नदिएको भन्दै उनलाई पक्राउ गरिएको हो।बंगलादेशीसँग पासपोर्ट वा भिसा छैन। बंगलादेशी युवकको पहिचान गरेपछि एसएसबीले उनलाई खरीबारी पुलिस चौकीमा बुझाए। पक्राउ परेका बंगलादेशी युवकको नाम मोहम्मद नईम हो, जो बंगलादेशको बरिसालका हुन्। पक्राउ पर्नेमा दोस्रो व्यक्ति खोरीबारी निवासी रमेन सिंह रहेका छन्। पक्राउ परेका बंगलादेशी नागरिकलाई आज सिलगढी डिभिजनल अदालतमा पेश गरियो। पक्राउ परेकाहरुको साथबाट एसएसबीले मोटरसाइकल बरामद गरेको छ।