काठमाण्डौ: अमेरिकाले युएसएआइडी अन्तर्गतका बजेटरी कार्यक्रम स्थगित र गैर-बजेटरी कार्यक्रम रद्द गर्दै गएको छ, जसमा ९१ अर्ब रूपैयाँको लागत भएका कार्यक्रमहरू समावेश छन्। यसैगरी, बेलायतले पनि अन्तर्राष्ट्रिय विकास सहायता घटाउने घोषणा गरेको छ, जसका कारण नेपालमा सहायता घट्ने अनुमान गरिएको छ। अन्य युरोपियन मुलुकहरू पनि सहायता घटाउने दिशा लिइरहेका छन्, जसले आगामी दिनमा सरकारको खर्च जुटाउन थप चुनौती पुर्याउनेछ।