मेलबर्न: अष्ट्रेलियाका अनुभवी पेस बलर जोश हेजलवुड चोटलले गर्दा पूरा एशेज सीरीजबाट बाहिर भएका छन्। उनलाई ह्याम्स्ट्रिंग र एकिलीज टेण्डनको समस्या छ, जसले गर्दा उनले पर्थ र ब्रिसबेनमा ईंग्ल्याण्डविरुद्ध खेलिएको पहिलो दुईवटा टेस्ट म्याचबाट बाहिर रहेका थिए। यसबीच नियमित कप्तान प्याट कमिन्स चाहिँ फिट भएर टीममा फर्किएका छन्, जसले अष्ट्रेलियाई प्रशंसकहरूलाई सामान्य राहत प्राप्त भएको छ। कमिन्सलाई म्याच खेल्ने अनुमति प्राप्त भइसकेको छ। टीम म्यानेजमेण्ट र प्रशंसकहरूलाई हेजलवुडले सीरीजको अन्तिम ३ वटा म्याच खेल्ने आशा रहेको थियो तर मेडिकल अपडेटमा उनको चोट ठीक हुन अझ केही समय लाग्ने स्पष्ट भयो। अष्ट्रेलियाका मुख्य प्रशिक्षक एण्ड्रू म्याकडोनाल्डले बताएअनुसार, हेजलवुडले अब आफ्नो पूरा ध्यान आउँदो साल हुने टी२० वर्ल्ड कपको तयारीहरूमा लगाउनेछन्। म्याकडोनाल्डलले भने, अब उनी (हेजलवुड) एशेज सीरीजमा उपलब्ध रहनेछैनन्। उनको तयारी अब टी२० वर्ल्ड कप तर्फ शिफ्ट हुनेछ, जुन हाम्रो निम्ति महत्त्वपूर्ण टुर्नामेण्ट हुनेछ। उनी एशेजबाट बाहिर हुनु निराशाजनक कुरा हो कारण चोट यति लामो चल्ने हामीले आशा गरेका थिएनौं। हामीलाई उनले सीरीजको अन्तिम भागमा ठूलो योगदान दिने लागेको थियो।
हेजलवुडको अनुपस्थितिबीच कप्तान कमिन्सको आगमनले अष्ट्रेलियाई टीमलाई राहत दिनेछ। कमिन्सले ढाड़को समस्याले गर्दा पहिलो दुईवटा टेस्ट म्याच खेलेका थिएनन्। ३२ वर्षीय पेस बलरले हालै ब्रिसबेनमा एलन बोर्डर फील्डमा अभ्यास सत्रमा हिस्सा लिए अनि उनको फिटनेसमा सुधार देखियो। सीरीजको तेस्रो टेस्ट म्याच १७ दिसम्बरदेखि एडिलेडमा शुरु हुनेछ अनि कमिन्सले टीमको कप्तानी पनि गर्नेछन्। म्याकडोनाल्डले भने, हामीले उनको फिटनेसमा असल सुधार देखेका छौं। यसैकारण उनी एडिलेड टेस्टको निम्ति तयार हुने हामीलाई पूर्ण भरोसा छ। यसबीच ईंग्ल्याण्ड चाहिँ सीरीजको पहिलो २ वटा म्याचमा हारले मानसिक दबाउमा रहेको छ। अब एडिलेडमा पनि पराजित भए टीमले सीरीज गुमाउनेछ। ईंग्ल्याण्डले टीम अहिले केही दिनको ब्रेक लिएर अष्ट्रेलियाको समुद्री इलाकामा आराम गरिरहेको छ। यस्तो गरेर खेलाड़ीहरूलाई मानसिक रूपले तरोताजा बनाउने टीमको योजना रहेको छ। ईंग्ल्याण्डले २०१०-११ पछि अष्ट्रेलियामा एशेज टेस्ट जितेको छैन, जुन टीमको निम्ति चिन्ताको विषय हो। जारी सीरीजमा अष्ट्रेलियाई पेस बलरहरूमा सबैभन्दा प्रभावशाली मिचेल स्टार्क रहेका छन्। उनले पहिलो २ वटा टेस्ट म्याचमा १८ विकेट लिएका छन्।