दोहा: कतर ओपनमा विश्वका नम्बर एक टेनिस खेलाड़ी कार्लोस अल्काराजले जीतको साथ यात्रा शुरु गरे। अष्ट्रेलियन ओपनमा करियर ग्राण्ड स्ल्याम पूरा गरेपछि अल्काराजले पहिलो राउण्डमा फ्रान्सका अर्थर रिण्डरनेचलाई ६-४, ७-६ (५)-ले पराजित गरे। यसको साथै स्पेनका २२ वर्षीय खेलाड़ीले टूर स्तरमा आफ्नो १५०औं जीत हासिल गरे अनि २०२६ सीजनमा आफ्नो रेकर्ड ८-० पुऱ्याए। म्याचको दोस्रो सेट निक्कै रोमाञ्चक रह्यो। अल्काराजले २ सेट पोइण्ट बचाउनु पऱ्यो तर उनले धैर्य कायम राख्दै टाईब्रेकरमा जीत हासिल गरे। म्याचपछि अल्काराजले भने, यो सजिलो थिएन। अर्थर असाधारण खेलाड़ी हुन्। पहिलो राउण्डमा कोही पनि उनीविरुद्ध खेल्न चाहँदैनन्। मुश्किल क्षणहरूमा शान्त र सकारात्मक रहन सकेर म खुशी छु। गत वर्ष दोहामा क्वार्टर फाइनलमा हार्ने अलल्काराज यसबारी असल प्रदर्शन गर्ने कोशिशमा छन्। दोस्रो राउण्डमा उनको भिड़न्त भेलेण्टिन रोयेरसँग हुनेछ। टुर्नामेण्टको फाइनलमा अल्काराजको भिड़न्त इटलीको यानिक सिनरसँग हुनसक्छ। यसरी अन्य एउटा म्याचमा २०२४-का च्याम्पियन कारेन खाचानोवले शिण्टारो मोचिजुकीलाई ६-१, ३-६, ६-४-ले पराजित गरे। गत विजेता आन्द्रेई रुबलेवले जेस्पर डी जोंगलाई ६-४, ६-३-ले पराजित गरे। स्टेफानोस सितसिपासले मोएज एचारगुईलाई ६-४, ६-४-ले पराजित गरी दोस्रो राउण्डमा स्थान बनाए, जहाँ उनको सामना २०२३-का च्याम्पियन दानिल मेदवेदेवसँग हुनेछ।