सिलगढ़ी: सिलगढ़ी नगरनिगमको पहलमा शहरका दुई स्थानको नामाकरण मंगलवार गरिएको छ। सिलगढ़ी गर्ल्स हाई स्कूलसँग संलग्न सडकको नाम विद्यालयकी पूर्व विशिष्ट शिक्षिका अमिया सेनगुप्ताको स्मृतिमा राखिएको हो। नयाँ नामाकरणअनुसार अब उक्त सडक अमिया सेनगुप्ता सरणी का रूपमा चिनिनेछ।
यसैगरी कोर्ट मोड़देखि सिलगढ़ी नगरनिगम भवन वरपरका क्षेत्र तथा त्यससँग संलग्न केही भागलाई समेटेर नयाँ क्षेत्रको नाम कर्पोरेशन पाड़ा राखिएको छ। नगरनिगम स्रोतका अनुसार शहरको प्रशासनिक तथा नागरिक संरचनासँग जोडिएको यस क्षेत्रलाई स्पष्ट र अलग पहिचान दिनु नामाकरणको मुख्य उद्देश्य हो।
मंगलवार सिलगढ़ी नगरनिगममा आयोजित एक कार्यक्रममा सिलगढ़ीका मेयर गौतम देवले औपचारिक रूपमा दुवै नामाकरणको शिलान्यास गरेका थिए। कार्यक्रममा मेयर परिषदका सदस्यहरू, सम्बन्धित वार्ड पार्षदहरू, नगरनिगमका अधिकारीहरू तथा अन्य प्रतिनिधिहरूको उपस्थिति रहेको थियो।
कार्यक्रमलाई सम्बोधन गर्दै मेयर देवले शहरको इतिहास, शिक्षा र विकाससँग जोडिएका विशिष्ट व्यक्तित्वहरूको स्मृतिमा गरिने यस्ता नामाकरणले भावी पुस्तालाई प्रेरणा दिने बताए। साथै शहरका विभिन्न क्षेत्रहरूलाई योजनाबद्ध ढंगले पहिचान दिनु पनि यस पहलको प्रमुख उद्देश्य रहेको उनले उल्लेख गरे।