नयाँ दिल्ली: आईपीएल २०२६-को शुरुवात अघि सनराइजर्स हैदराबादलाई ठूलो झट्का लागेको छ। टीमका प्रमुख अलराउण्डर ज्याक एडवर्डस चोटले गर्दा पूरा टुर्नामेण्टबाट बाहिर भएका छन्। यसैकारण फ्रेञ्चाइजीले उनको स्थानमा ईंग्ल्याण्डका अनुभवी पेस बलर डेविड पेनलाई टीममा सामेल गरेको छ। सनराइजर्सलाई अगावै आफ्नो कप्तान प्याट कमिन्सको चोटले झट्का लागेको छ, जो चोटले गर्दा शुरुवाती म्याचहरूबाट बाहिर भएका छन्। उनको अनुपस्थितिमा ईशान किशनलाई अस्थायी कप्तान बनाइएको छ। यसपाली अष्ट्रेलियाई अलराउण्डर एडवर्डस पनि खुट्टाको चोटले गर्दा पूरा सीजनबाट बाहिर भएका छन्। एडवर्डसलाई आईपीएल २०२६-को मिनी लिलामीमा ३ करोड़ रुपियाँमा खरीद गरिएको थियो। बीसीसीआईले आधिकारिक बयान जारी गरी गरेर यस खबरको पुष्टि गरेको छ। बयानमा भनिएको छ, कलकत्ता नाइट राइडर्स र सनराइजर्स हैदराबादले आईपीएल २०२६-को निम्ति क्रमशः सौरभ दुबे र डेविड पेनलाई रिप्लेसमेण्टको रूपमा चयन गरेको छ। पेनले ज्याक एडवर्डसको स्थान लिनेछन्। उनले ईंग्ल्याण्डको निम्ति एउटा वनडे म्याच खेल्नुको साथमा विश्वभरिका टी२० लीगहरू मिलाएर जम्मा २३३ वटा टी२० म्याच खेलेका छन्। मिनी अक्शनमा अनसोल्ड रहने पेनलाई १.५ करोड़ रुपियाँमा टीममा सामेल गरिएको छ। पेनको टी२० करियर प्रभावशाली रहेको छ। उनले २३३ वटा म्याचमा ३०४ विकेट लिएका छन्। यसबीच केकेआरले पनि चोटग्रस्त पेस बलर आकाश दीपको स्थानमा सौरभ दुबेलाई टीममा सामेल गरेको छ। उनलाई केकेआरले ३० लाख रुपियाँमा हासिल गरेको छ।