कोलम्बो: ईंग्ल्याण्डका स्टार ब्याटर जो रुटले श्रीलंकाविरुद्ध तेस्रो अनि निर्णायक वनडे म्याचमा अझ एउटा यादगार ईनिंग्सको साथ इतिहास रचे। ३५ वर्षीय रुटले अविजित १११ रन बनाए। म्याचमा ईंग्ल्याण्डले पहिला ब्याटिंग गर्दै ५० ओभरमा ३ विकेट गुमाएर ३५७ रन बनायो। त्यससपछि श्रीलंकाई टीम ३०४ रनमा अलआउट हुँदा ईंग्ल्याण्डले ५३ रनले म्याच अनि २–१-ले सीरीज जित्यो। यो रुटले वनडे इण्टरनेशनलमा २०औं शतक अनि अन्तर्राष्ट्रिय क्रिकेटमा जम्मा ६१औं शतक थियो।
यस ईनिंग्सको गोरेटोमा रुटले इण्टरनेशनल क्रिकेटको तीनैवटा प्रारूप मिलाएर २२,४०० रन पूरा गरे। यसरी उनले इण्टरनेशनल क्रिकेटमा सर्वाधिक रन बनाउने खेलाड़ीहरूका सूचीमा वेष्ट इण्डिजका महान ब्याटर ब्रायन लारालाई पछि छोड़े। रुट यस सूचीमा आठौं स्थानमा पुगेका छन् अनि अहिले उनको नजर भारतका राहुल द्रविड़माथि रहेको छ, जो २४,२०८ इण्टरनेशनल रन बनाएका छन्। यस सूचीमा भारतका महान ब्याटर सचिन तेन्दुलकर ३४,३५७ इण्टरनेशनल रनको साथ शीर्ष स्थानमा छन्। यसी दोस्रो स्थानमा पनि भारतकै विराट कोहली (२८,२१५ रन) रहेका छन्। श्रीलंकाका कुमार संगकारा (२८,०१६) तेस्रो र अष्ट्रेलियाका रिकी पोण्टिंग (२७,४८३ रन) चौथो स्थानमा रहेका छन्।