नयाँ दिल्ली: पाकिस्तान सुपर लीग (पीएसएल) २०२६ शुरु हुन अघि नै विवाद शुरु भएको छ। विदेशी खेलाड़ीहरूलाई प्राप्त भएको धम्कीहरू पछि टुर्नामेण्टलाई लिएर अनिश्चितताको माहोल देखिएको छ। पाकिस्तान क्रिकेट बोर्ड (पीएसएल)-ले पहिला नै सुरक्षा र अन्य कारणहरूले गर्दा टुर्नामेण्टलाई सीमित शहरहरूमा अनि दर्शकहरू बिना आयोजन गर्ने फसेला लिएको छ तर अहिले स्थिति अझ जटिल बनेको छ। रिपोर्टहरू अनुसार, पाकिस्तानको एउटा सशस्त्र संगठन जमात-उल-अहरारले विदेशी खेलाड़ीहरूलाई पीएसएल-मा नखेल्ने चेताउनी दिएका छन्। यस सूचीमा डेविड वार्नर, स्टीभ स्मिथ र डेरिल मिचेल जस्ता स्टार खेलाड़ीहरूका नाम सामेल छ। संगठनले विदेशी खेलाड़ीहरू पाकिस्तान आए उनीहरूका सुरक्षाको ग्यारण्टी दिन नसकिने स्पष्ट बताएको छ। जमात-उल-अहरारका एकजना कमाण्डरले भनेका छन्, हामी सम्बन्धित क्रिकेट बोर्डहरूलाई आफ्ना खेलाड़ीहरू पाकिस्तान नपठाउने आग्रह गर्न चाहन्छौं। पाकिस्तानमा उनीहरूसँग केही भए त्यो हाम्रो जिम्मेवारी हुनेछैन। म्याच हुन नसकोस् अनि खेलाड़ीहरू मैदानमा ओर्लिन नसकोस् भनेर हामी आफ्नो क्षमता अनुसार हरसम्भव कदम उठाउनेछौं। उल्लेखनीय छ, यसअघि पीसीबी अध्यक्ष मोहसीन नकवीले पीएसएल २०२६-को आयोजन सीमित शहरहरूमा अनि खाली स्टेडियममा गरिने घोषणा गरेका थिए। उनले यसको पछि पश्चिम एशियामा जारी संघर्ष र ईंधनको मूल्यहरूमा बढ़ोत्तरीलाई मुख्य कारण बताएका थिए। अहिले यस धम्कीपछि पीसीबी समक्ष सुरक्षा सुनिश्ति गर्ने एउटा ठूलो चुनौती आएको छ। पीएसएलमा यसपाली धेरै अन्तर्राष्ट्रिय खेलाड़ीहरूले हिस्सा लिनेछन्, जसमा एडम जाम्पा, मोईन अली र डेवोन कन्वे पनि सामेल छन् तर वर्तमान स्थितिलाई ध्यानमा राख्दा यी खेलाड़ीहरूका भागीदारीमाथि प्रश्न चिन्ह लागेको छ। पीएसएल २०२६-को शुरुवात २६ मार्चदेखि हुनेछ।