ब्रिसबेन: भारत र अष्ट्रेलियाबीच पाँचौं टी२० इण्टरनेशनल क्रिकेट म्याच वर्षाले गर्दा बेनतीजा रह्यो। यसको साथै भारतले पाँचवटा टी२०आई म्याचको सीरीजमा अष्ट्रेलियालाई २-१-ले पराजित गऱ्यो। यस सीरीजको पहिलो टी२० म्याच पनि वर्षाले गर्दा बेनतीजा रहेको थियो। त्यसपछि अष्ट्रेलियाले दोस्रो टी२० म्याच जितेर सीरीजमा १-०-को बढ़त हासिल गरेको थियो। दोस्रो म्याच हारेपछि भारतले पनि असाधारण पुनरागमन गर्दै तेस्रो र चौथो म्याचमा लगातार जीतको साथ सीरीजमा २-१-को अजेय बढ़त बनाएको थियो। आजको म्याच अष्ट्रेलियाको निम्ति महत्त्वपूर्ण थियो कारण टीम म्याच जितेर सीरीजमा बराबरी हासिल गर्ने लक्ष्यको साथ ओर्लिएको थियो तर वर्षाले गर्दा मिचेल मार्शको कप्तानीमा रहने टीमको सपना पूरा हुन सकेन। यस जीतको साथै भारतले अष्ट्रेलियाविरुद्ध वनडे सीरीजमा हारको हिसाब चुक्ता गऱ्यो। वनडे सीरीजमा अष्ट्रेलियाले भारतलाई २-१-ले पराजित गरेको थियो।

शनिवार खेलिएको म्याचमा टस जितेर अष्ट्रेलियाई कप्तान मार्शले भारतलाई पहिला ब्याटिंग गर्ने निम्तो दिए। भारतले वर्षाले गर्दा म्याच रोकिँदासम्म ४.५ ओभरमा कुनै विकेट नगुमाइ ५२ रन बनाएको थियो। भारतका दुवै ओपनरलाई आज फर्ममा देखियो। अभिषेक शर्मा र शुभमन गिलले उत्कृष्ट ब्याटिंग गर्दै भारतलाई असल शुरुवात दिलाए तर वर्षाले गर्दा म्याचमा वाधा पुग्यो अनि अन्तमा बेनतीजा घोषित गरियो। ५ वटा म्याचमा एउटा अर्द्धशतकको साथ जम्मा १६३ रन बनाउने अभिषेक शर्माले प्लेयर अव् द सीरीजको पुरस्कार जिते। भारतीय टीमले अब भारत फर्किएर दक्षिण अफ्रिकाविरुद्ध २ वटा टेस्ट म्याचको सीरीजमा हिस्सा लिनेछ।