कोलकाता: विधानसभा चुनाव अघि पश्चिम बंगालकी मुख्यमन्त्री ममता बनर्जी ले केन्द्र सरकार र निर्वाचन आयोग माथि गम्भीर आरोप लगाएकी छिन्। एक अन्तरवार्तामा उनले भनिन् कि राज्यमा “घोषणाविना राष्ट्रपति शासन” जस्तो अवस्था सिर्जना हुँदैछ।
मुख्यमन्त्रीले आरोप लगाइन् कि चुनावको लगभग छ महिना अघि नै केन्द्र र निर्वाचन आयोग प्रशासनिक संरचनामा हस्तक्षेप गरिरहेको छ। उनले भनिन् कि राज्यका गृह सचिवसहित धेरै वरिष्ठ अधिकारीहरुलाई अन्य राज्यमा पर्यवेक्षकको रूपमा पठाइँदैछ, जसले राज्यको प्रशासनिक कामकाजमा असर पुर्‍याइरहेको छ र शासन सञ्चालनमा अवरोध सिर्जना भइरहेको छ।
ममता बनर्जीको भनाइ अनुसार, यो कदम योजनाबद्ध तरिकाले उठाइएको हो ताकि राज्य सरकारलाई कमजोर पार्न सकियोस् र सत्ताधारी दललाई असहज स्थितिमा राखियोस्। उनले आरोप लगाइन् कि विशेष गहिरो पुनरावलोकन (एसआईआर) को नाममा पनि वातावरणलाई प्रभाबित गर्न प्रयास भइरहेको छ र मतदाता सूचीबाट नाम हटाइने घटनाहरु समेत भइरहेका छन्।
मुख्यमन्त्रीले भनिन् कि बंगालका जनता सबै कुरा देखिरहेका छन् र कुनै पनि प्रकारको “संवैधानिक दुरुपयोग” को लोकतान्त्रिक तरीकाले जवाफ दिनेछ। उनले यसलाई सत्ताधारी दललाई परेशान गर्ने षड्यन्त्र भएको बताइन्, तर विश्वास व्यक्त गरिन् कि जनता यसको उचित प्रत्युत्तर दिनेछ र यसपटक त्रिणमूल कांग्रेस का सिटहरूमा वृद्धि हुनेछ।