न्यूयोर्क: युक्रेनले आइतबार स्वतन्त्रता दिवस मनाइरहेको छ। यस अवसरमा युक्रेनी राष्ट्रपति भोलोडिमिर जेलेन्स्कीले आफ्ना सहयोगीहरूको सहयोगमा युक्रेनमा दिगो शान्ति स्थापना हुने बताएका छन्।
ʻयुक्रेन पीडित होइन, तर एक लडाकु हो,ʼजेलेन्स्कीले भने।
अमेरिकी राष्ट्रपति डोनाल्ड ट्रम्प लगायत धेरै विश्व नेताहरूले युक्रेनलाई स्वतन्त्रता दिवसको शुभकामना दिएका छन्।
जेलेन्स्कीले ट्विटरमा एउटा पत्र पोस्ट गरेका छन्। पत्रमा ट्रम्पले युक्रेनको साहसले धेरैलाई प्रेरणा दिएको र आफूले रुस–युक्रेन युद्धको वार्ताबाट समाधानको समर्थन गर्ने बताएका छन्।
ट्रम्पलाई धन्यवाद दिँदै जेलेन्स्कीले लेखे, ʻयुक्रेनको स्वतन्त्रता दिवसको शुभकामनाको लागि धन्यवाद। हामी विश्वास गर्छौं कि सँगै काम गरेर यो युद्ध अन्त्य गर्न सक्छौं।ʼ