नयाँ दिल्ली: थाइल्याण्डमा सम्पन्न मिस यूनिभर्स २०२५ को उपाधि मेक्सिकोकी फातिमा बॉश ले जितेकी छन्। शुक्रबार भएको भव्य फाइनलसँगै लगातार विवादमा रहेर चर्चामा आएको यो वर्षको पेजेन्ट समाप्त भएको हो।
थाइल्यान्डकी प्रवीणर सिंह फर्स्ट रनर–अप भइन्। शीर्ष पाँच सूचीमा वेनेजुएला, फिलिपिन्स र कोटे डी आइभर का प्रतिस्पर्धी समावेश थिए। थाइल्यान्डले चौथो पटक यो प्रतियोगिता होस्ट गरेको हो।
विवादमय यात्रा:
२५ वर्षीया फातिमा केही हप्ता अघि विवादमा परेकी थिइन्, जब एक अधिकारिले सार्वजनिक रूपमा उनीमाथि अपमानजनक टिप्पणी गरेका थिए। उनलाई साथ दिने प्रतियोगीलाई डिसक्वालिफाइ गर्ने धम्की समेत दिएको बताइयो।
यस घटनापछिका दिनमा दुई जना जजले राजीनामा दिए र आयोजकमाथि अनियमितताको आरोप लगाए। विशेषज्ञहरूले यो विवाद मिस यूनिभर्सका थाई तथा मेक्सिकन स्वामित्वधारक बीचको संस्कृतिक र रणनीतिक मतभेद को परिणाम भएको बताए।
भारतकी मनिका टप १२ मा स्थान बनाउन असफल:
भारतकी मनिका विश्वकर्मा टप १२ बाटै बाहिरिइन्। यससँगै २०२१ मा हरनाज कौर सन्धूको जितपछि भारतको पर्खाइ अझै लामो भयो। भारतीय ब्याडमिन्टन स्टार सायना नेहवाल यस वर्षको जज प्यानलमा थिइन्।
फातिमाको उत्तर जसले जितायो ताज:
फाइनलमा सोधिएको प्रश्न- “युनाइटेड नेशन्सका अगाडि कुन विश्व–मुद्दा उठाउनुहुन्छ?”
फातिमाले दिएको उत्तरमार्फत विश्वभरका युवतीलाई संदेश दिँदै भनीन् , “आफ्नो वास्तविक पहिचानमा भरोसा राख्नुहोस्। तपाईंका सपना महत्वपूर्ण छन्, तपाईंको मन महत्वपूर्ण छ। कहिल्यै कसैलाई आफ्नो क्षमतामा शंका गर्न नदिनुहोस्।”
उनको उत्तर यस वर्षको मिस यूनिभर्स थीम ‘प्रेमको शक्ति’ सँग मेल खान्छ, जसले एकता, करुणा र शक्ति बढाउने उद्देश्य राख्छ।