नयाँ दिल्ली: टी२० वर्ल्ड कपमा भारतविरुद्ध ६१ रनको हारपछि पाकिस्तान क्रिकेटमा खलबली मचिएको छ। कोलम्बोमा खेलिएको म्याचमा भारतले चीरप्रतिद्वन्द्वी पाकिस्तानलाई सजिलैसँग पराजित गरेको थियो। म्याचमा पाकिस्तानी टीमको प्रदर्शन चरम निराशाजनक रहेको थियो। त्यस हारपछि विशेषगरी पाकिस्तानका पूर्व कप्तान बाबर आजम आलोचनाको केन्द्र बनेका छन् अनि धेरै पूर्व खेलाड़ीहरूले उनलाई टी२० टीमबाट बाहिर गर्ने माग गरेका छन्। पूर्व कप्तान शाहिद अफरीदीले कड़ा प्रतिक्रिया दिँदै उनको हातमा भएको भए बाबर, शादाब खान र शाहीन शाह अफरीदीलाई फेरि टी२० टीममा मौका दिने थिएनन् भनेका छन्। उनले टी२० टीममा युवाहरूलाई मौका दिने आवाज उठाएका छन्। भारतविरुद्ध म्याचमा शाहीनले २ ओभरमा ३१ रन खर्च गरेका थिे जबकि बाबरले केवल ५ रन बनाएका थिए। यसरी पूर्व कप्तान जावेद मियाँदादले पाकिस्तानी टीम ठूलो म्याचको दबाउ सहन गर्न विफल भएको बताएका छन्। बाबरको समर्थक मानिने मोहम्मद यूसुफले पनि खेलाड़ीहरूका आलोचना गरेका छन्। उनले यस हारपछि बाबर र शाहीनको टी२० करियर समाप्त हुनु पर्ने मत व्यक्त गरेका छन्। बाबरका आलोचक अहमद शहजादले पनि उनको प्रदर्शनको खुलेर आलोचना गरेका छन्। पूर्व कप्तान मोइन खानले वर्तमान समयमा भारत कुनै पनि प्रारूपमा पाकिस्तानभन्दा असल टीम रहेको दावी गरेका छन्। मियाँदादले टीम संयोजनमाथि पनि प्रश्न उठाएका छन्। उनले भने, टीममा फहीम अशरफको भूमिका के थियो? उनी अलराउण्डरको रूपमा खेलिरहेका छन् भने उनलाई किन बलिंग गराइएन? यसबाहेक ६ जना स्पिनसँग म्याच खेल्ने के कारण थियो? मैले यो टीम संयोजन नै बुझ्न सकेको छुइनँँ। यसबीच पूर्व दिग्गज पेस बलर वकार यूनिसले पाकिस्तानले म्याच पहिलो ईनिंग्समै गुमाएको बताएका छन्। उनले भनेका छन्, सूर्यकुमार यादवको अगुवाईमा रहने भारतले १७५ रन बनाउँदा नै म्याच पाकिस्तानको नियन्त्रणदेखि बहिर भएको थियो। यसबाहेक भारतले आफ्ना स्पिनरहरूलाई सही तरिकाले प्रयोग गऱ्यो। उनीहरूले आफ्ना बलरहरूलाई सटीक तरिकाले आक्रमणमा लगाए। भारतको स्कोर १४०-१५० रनभित्र रहेको भए कुरा अलग हुने थियो कारण पाकिस्तानसँग त्यति मजबूत ब्याटिंग लाइनअप छैन। यसबाहेक पाकिस्तानले फर्ममा रहने स्पिनर उस्मान तारिकलाई ढिलो गरी आक्रमणमा ल्यायो जबकि उनले कञ्जुसीको साथ बलिंग गरे। उल्लेखनीय छ, भारतविरुद्ध हारपछि पाकिस्तान क्रिकेटमा निराशाको माहौल छ। सोशल मीडियामा विशेषगरी टीमको रणनीति, चयन र वरिष्ठ खेलाड़ीहरूका भविष्यलाई लिएर बहस जारी रहेको छ।