दुबई: टी२० वर्ल्ड कप अघि चलिरहेको विवादहरूले सम्पूर्ण विश्वको ध्यान आकर्षित गरेको छ। भारतमा म्याच नखेल्ने जिदमा कायम रहँदा आईसीसीले पहिला बंग्लादेशलाई यस वैश्विक टुर्नामेण्टबाट बाहिर गऱ्यो। बंंग्लादेशलाई बाहिर गरिएपछि अहिले पाकिस्तानले नाटक शुरु गरेको छ। पाकिस्तान क्रिकेट बोर्ड (पीसीबी)-का चेयरम्यान मोहसिन नकवीले प्रधानमन्त्री शहबाज शरीफसँग भेट गरेका छन्। यसले पाकिस्तानले या टुर्नामेण्टको वहिष्कार गर्ने या भारतविरुद्ध म्याच नखेल्ने चर्चा शुरु भएको छ तर यस चर्चाको गम्भीर कानूनी अनि आर्थिक नतीजा अघि आउन सक्छ। वास्तवमा टी२० वर्ल्ड कप २०२६-लाई लिएर पाकिस्तानमा जारी राजनीति र कूटनीतिले क्रिकेटको मैदान बाहिर पनि हलचल बढ़ाएको छ। पीसीबी-ले अन्य क्रिकेट बोर्डहरू झैं आईसीसी मेम्बर पार्टिसिपेशन एग्रीमेण्टमा हस्ताक्षर गरेको छ, जुन कानूनी रूपले वाध्यकारी छ। यसैकारण कुनै टुर्नामेण्ट या म्याचको वहिष्कार गर्नु सीधा रूपले आईसीसीको नियमहरूको उल्लंघन हुनेछ। यसले पीसीबीमाथि प्रतिबन्ध लाग्न सक्छ अनि प्रसारकहरूद्वारा मुद्दा दायर गरिने पनि सम्भावना रहेको छ। भारत र पाकिस्तानबीच म्याच विश्व क्रिकेटमा सबैभन्दा अधिक हेरिने आयोजन मानिन्छ। रेवस्पोर्ट्स-को रिपोर्टअनुसार, केवल यस म्याचसँग ३८ मिलियन यूएस डलर (लगभग ३४८ करोड़ रुपियाँ)-को कमाई विज्ञापन, ब्राण्डेड प्रोग्रामिंग र स्पन्सरशीपसँग जोड़िएको हुन्छ। पाकिस्तानले म्याच नखेल्ने फसेला गरे प्रसारकले पीसीबी-माथि क्षतिपूर्तिको मुद्दा दायर गर्न सक्छ। यसले बोर्डलाई ठूलो आर्थिक क्षति हुन सक्छ। रिपोर्ट अनुसार, लगभग ३४८ करोड़ रुपियाँ सीधा रूपले भारत-पाकिस्तान म्याचमाथि निर्भर रहनेछ।
पीसीबी चेयरम्यान मोहसिन नकवीले सोमवार प्रधानमन्त्री शहबाज शरीफसँग भेटघाट गरे। बैठकमा स्थितिमाथि चर्चा भयो तर अन्तिम निर्णय चाहिँ लिइएको छैन। नकवीले सोशल मीडियामा लेखेका छन्, प्रधानमन्त्रीसँग असल बैठक भयो। आईसीसी मामिलामा उनलाई जानकारी दिइयो। उनले सबै विकल्प खुल्ला राखेर समाधान निकाल्ने निर्देश दिए। अन्तिम निर्णय शुक्रवार या आउँदो सोमवार लिइनेछ। मीडिया रिपोर्ट्स अनुसार, पाकिस्तान आफ्नो खोक्रो धम्की र जिद्दी मिजासमा कायम रहेर वर्ल्ड कपमा खेल्न अस्वीकार गरे आईसीसीले कड़ा शिक्षा दिनेछ। आईसीसीले पाकिस्तानमाथि धेरै थरीको प्रतिबन्ध लगाउन सक्छ, जसमा कुनै पनि द्विपक्षीय सीरीजको निलम्बन सामेल छ। अर्थात, कुनै पनि टीमले पाकिस्तानसँग द्विपक्षीय सीरीज खेल्नेछैन। यतिमात्र नभएर पाकिस्तान सुपर लीग (पीएसएल)-मा विदेशी खेलाड़ीहरूलाई खेल्नदेखि रोक लगाइनेछ अनि यी खेलाड़ीहरूलाई अनापत्ति पत्र (एनओसी) दिइनेछैन। यसबाहेक पाकिस्तानको टीमले एशिया कपमा पनि हिस्सा लिन सक्नेछैन। चाखलाग्दो कुरा के छ भने पीसीबी-को आर्थिक मोडोल आईसीसीको रेवेन्यू, पाकिस्तान सुपर लीग र प्रसारणमाथि निर्भर रहेको छ। यसबाहेक पाकिस्तानले टी२० वर्ल्ड कपमा नखेल्ने फसेला गरे टुर्नामेण्टमा बंग्लादेशको फेरि एण्ट्री हुन सक्नेछ। पाकिस्तानले हाईब्रीड मोडल अनुसार आफ्नो सबै म्याच श्रीलंकामा खेल्नु छ। यसैकारण पाकिस्तान पछि हटे बंग्लादेशलाई टुर्नामेण्टमा सामेल गर्न सकिनेछ। यस्तो गरे बंग्लादेशको श्रीलंकामा म्याचहरू खेल्ने माग पनि पूरा हुनेछ अनि पाकिस्तानले उचित शिक्षा पनि पाउनेछ।