ब्रिसबेन: अष्ट्रेलियाले पहिलो महिला वनडे इण्टरनेशनल क्रिकेट म्याचमा भारतलाई ६ विकेटले पराजित गऱ्यो। यस जीतको साथ अष्ट्रेलियाले ३ वटा म्याचको सीरीजमा १-०-को बढ़त हासिल गऱ्यो। मंगलवार एलन बोर्डर फील्डमा खेलिएको म्याचमा टस जितेर पहिला ब्याटिंग गर्दै भारतीय टीम ४८.३ ओभरमा २१४ रन बनाएर अलआउट बयो। त्यसपछि अष्ट्रेलियाले ३८.२ ओभरमै ४ विकेटमा २१७ रन बनाएर म्याच जित्यो। म्याचमा पहिला ब्याटिंग गर्दै भारतको निम्ति कप्तान हरमनप्रीत कौर र उपकप्तान स्मृति मन्धनाले अर्द्धशतक बनाइन्। स्मृतिले ६८ बलमा ७ वटा चौकाको सहायताले ५८ रन बनाइन् जबकि हरमनप्रीतले ८४ बलमा ३ वटा चौकाको सहायताले ५३ रन बनाइन्। भारतको शुरुवात खराब रह्यो अनि ५२ रनमा ३ विकेटको पतन भइसकेको थियो। त्यहाँबाट स्मृति र हरमनप्रीतले मिलेर स्कोर १०० रनसम्म पुऱ्याइन्। यी दुई सीनियर ब्याटर बाहेक आठौं नम्बरमा ओर्लिएर काशवी गौतमले ४३ रनको योगदान दिइन्। उनले ३ वटा छक्का र ३ वटा चौका लगाइन्। रिचा घोषले २३ रन बनाइन्। अष्ट्रेलियाई बलरहरूमा एश्ली गार्डनरले सर्वाधिक ३ विकेट हासिल गरिन्। म्याच जित्न २१४ रनको लक्ष्यलाई पीछा गर्दै अष्ट्रेलियालाई कप्तान एलिसा हिली र फोबे लीचफील्ड (३२ रन)-को ओपनिंग जोड़ीले असल शुरुवात दिलायो। यी दुईजनाले पहिलो विकेटको निम्ति १०.३ ओभरमा ५५ रनको पार्टनरशीप गरिन्। अष्ट्रेलियाले पछिबाट लीचफील्ड र जर्जिया भोलको विकेट ५५ रनको स्कोरमा गुमायो। त्यहाँबाट हिलीले बेथ मूनीसँग मिलेर तेस्रो विकेटको निम्ति ६४ रनको पार्टनरशीप गरिन्। हिलीले ७० बलमा ४ वटा चौकाको सहायताले ५० रन बनाइन्। हिली आउट भएपछि मूनीले एनाबेल सदरल्याण्डसँग मिलेर चौथो विकेटको निम्ति ८५ रनको पार्टनरशीप गरिन्। मूनी ७६ रन बनाएर ३७औं ओभरमा आउट भएपछि त्यहाँबाट अष्ट्रेलियाले सजिलै म्याच जित्यो। मूनीले ७९ बलमा ५ वटा चौका र २ वटा छक्काको सहायताले ७६ रन बनाइन्। यसरी सदरल्याण्ड ४८ रनमा अविजित रहिन्। उनले ४४ बल खेलेर ४ वटा चौका र एउटा छक्का लगाइन्। एश्ले गार्डनर ५ रनमा अविजित रहिन्। भारतीय बलरहरूमा श्री चरणीले २ विकेट हासिल गरिन्।