नयाँ दिल्ली: बंग्लादेश क्रिकेट बोर्ड (बीसीबी)-माथि अन्तर्राष्ट्रिय क्रिकेट परिषद (आईसीसी)-ले कुनै कार्वाही गर्नेछैन। वास्तवमा बंग्लादेशले सुरक्षा कारणहरूको तर्क अघि राखेर भारतमा आईसीसी टी२० वर्ल्ड कपको म्याचहरू खेल्न अस्वीकार गरेको थियो। त्यसपछि आईसीसी-ले पनि बंग्लादेशलाई टुर्नामेण्टबाट बाहिर गरेर ग्रुप सी-मा स्कटल्याण्डलाई स्थान दिएको थियो। आईसीसी-ले अहिले भारतमा टी२० वर्ल्ड कपको म्याचहरू खेल्न अस्वीकार गरेको मामिलामा बीसीबी-माथि कुनै प्रकारको जरिमाना या दण्ड नलगाइने स्पष्ट गरेको छ। खेलको वैश्विक संस्थाले यो फसेला बीसीबी र पाकिस्तान क्रिकेट बोर्ड (पीसीबी)-सँग भएको बैठकपछि लियो। पीसीबी-ले बंग्लादेशको समर्थनमा १५ फरवरीमा भारतविरुद्ध खेलिने म्याच वहिष्कार गर्ने घोषणा गरेको थियो। आईसीसीले भनेको छ, वर्तमान मामिलामा बंग्लादेश क्रिकेट बोर्डमाथि कुनै प्रकारको वित्तीय, खेल सम्बन्धी या प्राशसनिक दण्ड नलगाइने सहमति बनेको छ। यसको साथमा आईसीसीले बीसीबी-सँग विवाद समाधान समिति (डीआरसी)-सँग सम्पर्क गर्ने अधिकार कायम रहने पनि जानकारी दियो। बीसीबी-को सोच तटस्थता र निष्पक्षताको सिद्धान्तहरूमाथि आधारित रहेको अनि उनीहरूको उद्देश्य दण्ड दिनुको सट्टा सहयोग र समाधान निकाल्ने रहेको पनि आईसीसीले स्पष्ट गरेको छ।