ढाका: बंगलादेशको शरीयतपुर जिल्लामा एक जना हिन्दू व्यापारीको हत्या भएको घटनामा सुरक्षाकर्मीहरूले तीन जनालाई पक्राउ गरेका छन्। बुधबार राति दामुड्या क्षेत्रको केउरभांगा बजार नजिक ५० वर्षीय खोकन चन्द्र दासमाथि आक्रमण भएको थियो। गम्भीर घाइते दासको शनिबार मृत्यु भयो।
र्‍यापिड एक्सन बटालियन (आरएबी) ले किशोरगंज जिल्लाबाट सोहाग खान (२७), रब्बी मोल्या (२१) र पलाश सरदार (२५) लाई नियन्त्रणमा लिएको जनाएको छ। प्रहरीका अनुसार पीडितले मृत्यु हुनु अघि अभियुक्तहरूको नाम उल्लेख गरेका थिए।
दास औषधि दाेकान तथा मोबाइल बैंकिङ व्यवसायमा संलग्न थिए। आक्रमणपछि उनलाई पहिले स्थानीय अस्पताल लगियो र त्यसपछि ढाका सारिएको थियो, जहाँ उपचारका क्रममा उनको मृत्यु भयो।
बंगलादेश हिन्दू–बौद्ध–ईसाई एकता परिषदले पछिल्लो एक महिनामा हिन्दू समुदायका पाँच जनाको हत्या भएको भन्दै अल्पसंख्यक समुदाय असुरक्षित बन्दै गएको बताएको छ।