नयाँ दिल्ली: पश्चिम एसियामा जारी संकटलाई लिएर भारत सरकारले बुधबार सर्वदलीय बैठक बोलाएको छ। बैठक बुधबार साँझ पाँच बजे बस्ने बताइएको छ। स्रोतका अनुसार कांग्रेससहितका विभिन्न विपक्षी दलहरूले यस विषयमा लगातार सरकारसँग प्रश्न उठाउँदै आएका छन् र भारतमा यसको प्रभावबारे चासो व्यक्त गरिरहेका छन्।
प्रधानमन्त्री नरेन्द्र मोदीले सोमबार लोकसभामा बोल्दै पश्चिम एसियामा जारी द्वन्द्वबाट उत्पन्न संकटको असर दीर्घकालीन हुन सक्ने बताएका छन्। उनले सरकारले यस परिस्थितिको सामना गर्न पूर्ण तयारी गरेको पनि उल्लेख गरे।
प्रधानमन्त्री मोदीले होर्मुज जलडमरूमध्यमा अवरोध र व्यापारिक जहाजमाथि भएका आक्रमणलाई अस्वीकार्य भन्दै यसको समाधान कूटनीति र वार्ताबाट मात्र सम्भव हुने बताए। उनले भारतले तनाव कम गर्न र द्वन्द्व अन्त्य गर्न हरसम्भव प्रयास गरिरहेको स्पष्ट पारे।